C-Raxmaan Sh. Muxaydiin oo kulan uu ku khiyaanay dadka ka soo saaray baaq wahaabiya taageer ah.

16 07 2010
Baaqan uu C/raxmaan Sh. Muxyadiin ka soo saaray kulanka magaalada Gothenburg ee dalka Sweden, waxaa ka soo baxay baaq wahaabiya taageer ah oo aan aamminsanhay in aanay waxba ka ogayn lagalana tashan dadkii mu’tamarka ka soo qayb galay oo ay ku jireen dad caqiiddadoodu wanaagsan tahay laakiin ku dhunsan xaqiiqada C/Raxmaan Sh. Muxyaddiin .
 
Baaqan oo lagu soo qoray websetyada qaar sida bogga Daynile waxaa laga soo saaray lix qodob oo ay ka muuqato in ninkaan aan wax xanuun ihi ka hayn ihaanada iyo tacadiyada ay khawaarijta Wahaabiyadu u gaysteen culammaa’udiinka Ahlu Sunna Wal-Jamaaca, tacadiyadaasoo isugu jira Dil, Qaxin, dhac, iyo kuwa dhintay oo Qubuuraha lagala soo baxay. Qodobbadii baaqa C/Raxmaan Sh. MUxyaddiin waxaa ka mid ahaa
 
1. Qodobka 3-aad ee baaqa wuxuu C/Raxmaan Sh Muxyadiin ku sheegay in ay khalad tahay in la khilaafo wahaabiyada, ama ay is khilaafaan Ahlu Sunnda iyo wahaabiyadu uu yahay khilaaf aan loo baahnayn.
 
2. Wuxuu isla qodobkaas ku diidey in lala dagaallamo khawaarijta Al-shabaabka si dalka looga xoreeyo shacabkana looga bad baadiyo, wuxuuna ku sheegay in uu yahay dagaal aan loo baahnayn.
 
3. Isla qodobkaas wuxuu ku sheegay in dadka Soomaaliyeed aanay ku kala geddisnayn caqiiddada oo ay boqolkiiba boqol isku caqiidda iyo diin ahayn . Qodobkaan wuxuu kaligiis ku filanyahay xiriirka muuqda iyo kan qarsoon ee C/Raxmaan Sh MUxyaddiin uu la leeyahay Wahaabiyada.
 
4. Qodobka 4aad wuxuu ku sheegay in shr dib u hishiisiin ah loo qabto shabaabka, kooxda shariifka, iyo Xisbu shaydaanka iyo khawaarijaha xun xun oo uu ku sheegay in ay yihiin kuwa siyaasad isku haya laakiin aan caqiidda isku hayn, wuxuuna soo jeediyey in shirkaas lagu qabto gudaha dalka.
 
5. Qodobka 5aad wuxuu ku canbaareeyey in dagaal loo adeegsado gaarista xukunka , wuxuuna horey arrintaan ugu eedeeyey Culammada Ahlu Suna waljamaaca ee Gobollada dhexe ka xoreeyey Khawaarijta, laakiin taas beddelkeeda C-Raxmaan Sh. Muxyaddiin wuu taageeray maxaakimta in ay dagaal iyo xoog kula wareegaan wadanka.
 
Arrinta la yaabka leh waxay tahay sanadka gudihiis ayey ahayd markii Shabaabka uu C-Raxmaan leeyahay lalama dagaallami karo, waa in lalal hishiiyaa ay qufteen Qabrigii sheekhii weynaa ee dariiqada, weligii Ilaahay ee karaamada badnaay Sheekh Muxyaddiin Celi, oo C/Raxmaan Sheeganayo in uu yahay aabbihii isaga dhalay.
 
Waa amakaag in C/Raxmaan aanu hal mar qalinkiiisa ku qorin baaqana ku sheegin in uu canbaareeyo xawaala qufta khawaarijta ah ee Al-shabaab.
 
Mu’tamarkii kan ka horreeyey C/Raxmaan wuxuu ku taageeray Sharif Sh. Axmad, isagoo waa nasiib darree sheegtay in uu ku hadlayo magaca Ahlu Sunna iyo kan mu’tamarkaba , waxaadna mooddaa in C/Raxmaan uu arkay in awsan jirin qof jac dhahaaya, sidaasna uu dadka dhexdiisa ku fushaday dhaqamo uu ku taageerayo Wahaabiyada kulana dagaallamayo Ahlu Sunnada.
 
In kastoo aan ficilka ninkaan wax shaki ahi ku jirin haddana weli wuxuu haystaa waqti uu uga tawbad keeno bidcanimada iyo khawaarij taageerka, uuna raalli gelin ka baxsho aflagaaddada iyo caqiidda ka been sheegga iyo marin habaabinta bulshada ahlu sunnada ah.
 
Qof kasta oo Ahlu Sunna ah oo soomaali ah waxaan ugu yeeraynaa in uu naf, maal, af iyo adin qofba wuxuu awoodo uu kula dagaallamo Khawaarijtan shaydan raacaa oo culummadeenna kii noolaa dilaysa, kii dhintayna qabriga kala soo baxaysa.
 
Mu’tamarkii kan ka horeeyey ayaan samaynay qoraal aan ku ifinayno dulmiga iyo caqiida xumida uu ninka kula dhex mareysanayo Culamaa’udiinka Ahlu sunna Wal-jamaaca.
 

Mustaqiim.com
Mustaqiimcom@hotmail.com