Maamulka Culimada Ahlu-sunna Wal-jamaaca oo beelo heshiisiiyey

14 07 2010
Maamulka Culimada Ahlu-sunna Wal-jamaaca ee Goballada dhexe ayaa heshiisiiyey Beelo xiisad colaadeed ka dhex taagneyd.
 
Xiisadaan Colaadeed ayaa dhex aloosan tahay labo beelood, waxayna ka kacday Baraago qoditaankood, waxayna xiisaddaan ka bilaabatey Deeganka Goohweyne ee u dhexeeya Balanballe iyo Caabudwaaq.
 
Inkasta oo aysan wax gacan ka hadal ah dhicin, haddana labada geesood ee xiisaddu u dhexeysay waxay isku aruursanayeen Hub iyo gaadiidyo dagaal.
 
Maamulka Culimada Ahlu-sunna Wal-jamaaca ee goballada dhexe ayaa markii ay maqleen isla markiiba bilaabey sidii ay xiisaddaas Coladeed u joojin lahaayeen, waxayna ka dhex bilaabeen wanwaan labadii beelood.
 
Alla mahaddiis, waxay ku dhammaatay heshiis ay labadii beelood gacmaha is-qabsadaan, hubkiina wada daadiyaan.
 
Arrintaan ayaa waxaa Ahlu-sunna Wal-jamaaca ugu hambelyeey wax garadka labadii qabiil ee dirirtu u dhexeysay.
 

Xafiiska War-qabadka Ee Mustaqiim
Caabudwaaq, Galguduud, Soomaaliya,
E-mail: mustaqiimcom@hotmail.com