Ciidamada Ammaanka ee Maamulka Ahlu-sunna Wal-jamaaca ee goballada dhexe oo hawl gal ay sameynayeen ku soo qab qabtey kooxo bur cad ah

15 07 2010
Ciidamada ammaanka ee Ahlu-sunna Wal-jamaaca ee Goballada dhexe ayaa hawl gallo ay qaadeen shalay ku soo qab qabtey kooxo burcad ah oo gaarayey ilaa shan qofood.
 
Hawl galkaan ayey waxay ka sameeyeen waddada dheer ee u dhaxeysa Magaalada Matabaan iyo Baladweyne, halkaas oo kooxo burcad ah ay dadka deegaanku ka soo sheegteen iyo baabuurta gaadiidka.
 
Inta aysan ciidamada ammaanku hawl galkaan samayn ka hor ayaa waxaa la soo xiriiray dadka deegaanka iyo weliba gaadiidka dad weynaha ee shixnadda ganacsiga u kala gudbiya goballada Soomaaliya.
 
Ciidamda Culimada Ahlu-sunna Wal-jamaaca oo taas ka jawaabaya ayaa qaadey hawl galkaan waxayna isla markiiba ku soo qab qabteen dadkii dhibaatada laga sheeganayey.
 
Kooxahaas burcadda ah ayaa waxaa loo gudbiyey magaalada Guriceel, halkaas oo la doonayo in lagu maxkamadeeyo, lana soo taaggo Maxkamadda Islaamiga ah ee Magaalada Guriceel.
 
Ciidamada ammaanka Ahlu-sunna Wal-jamaaca ayaa shacabka iyo gaadiidleydaba u sheegey in ay la soo socodsiiyaan wixii dhiba ee ay la kulmaan, waxayna u ballan qaadeen in ay sugayaan aminiga wadda dheer, ayna garab istaagayaan Shacabka Soomaaliyeed.
 

Xafiiska War-qabadka Ee Mustaqiim
Guriceel, Galguduud, Soomaaliya,
E-mail: mustaqiimcom@hotmail.com