Maamulka Ahlu-sunna Wal-jamaaca oo soo saarey amar muhiim ah oo ka dhaqan galay Goballada dhexe oo dhan

14 07 2010
Maamulka Culimada Soomaaliyeed ee Ahlu-sunna Wal-jamaaca ayaa soo saarey amar ah, in aan wax hub sharci-darro ah lagu dhex wadan Karin Goballada dhexe oo dhan.
 
Maamulka Culimada Ahlu-sunna Wal-jamaaca ee Goballada ayaa Ciidamda amniga amar ku siiyey in aan wax hub ah lagu dhex wadin Karin Magaalooyinka goballada dhexe oo dhan.
 
Sidii amarkaan loo bixiyey, ayaa waxaa lagu arkayey Magaalooyinka kala duwan ee Goballada dhexe ciidamo gaaf wareegayey oo aruurinayey hubka Sharci darrada ah ee ay dad weynuhu wataan.
 
Magaalada Dhuusamareeb, Xeraale, Cadado, Guriceel, Caabudwaaq, Dhabbbad, Gelinsoor, Ballan balle, iyo ilaa Matabaan ayaa Ciidamada Ammaanka Ahlu-sunna Wal-jamaaca ay gaaf wareegayeen, iyadoo hub badan laga soo qab qabtey dad kala duwan.
 
Odayaasha, Indheergaradka, Aqoon yahanka iyo ururrada Bulshada ayaa arrintaas aad ugu riyaaqey, waxayna ku tilmaamay arrin xoojinaysa Amniga deegaannada.
 

Xafiiska War-qabadka Ee Mustaqiim
Dhuusamareeb, Galguduud, Soomaaliya,
E-mail: mustaqiimcom@hotmail.com