Madaxweynaha waddanka Ugandha oo u dhaartey Khawaarijta Al-shabaab

15 07 2010
Madaxweynaha waddanka Ugandha Yuweri Musafani ayaa isagoo la hadlayey saxaafadda caalamiga ah iyo midda Ugandhaba shalay shaaciyey in uu tir tiri doono Khawaarijta Al-shabaab.
 
Madaxweyne Yuweri Musafani ayaa sheegey in duullaanka ay Khawaarijta Al-shabaab ku soo qaaddey waddanka Ugandha, uusan waddanka Ugandha uga hari doonin.
 
Yuweri Musafani ayaa ku dhaartey in uu Khawaarijta Al-shabaab uu Soomaaliya iyo caalamka kalaba ka tir tiri doono, wuxuuna sheegey in uu ciidamo badan u diri doono Magaalada Muqdisho ee caasimadda Waddanka Soomaaliya.
 
Wuxuu sheegey Madaxweynuhu in uu geed gaaban iyo mid dheerba u fuuli doono sidii uu xasuuqi lahaa Khawaarijta Al-shabaab, isagoo sheegey in uu ka fakarayo tabo cusub oo uu kula dagaallamo Khawaarijta Al-shabaab.
 
Hanjabaadda Madaxweynahay ayaa ku soo beegmeysa xilli ay Khawaarijta Al-shabaabna dhankooda ay hanjabaadyo is qarxin ah uga soo dirayaan waddanka Ugandha, oo sheegteen qarax aad u weynaa oo dad badan ku dhinteen oo Ugandhays ahaa.
 

Xafiiska War-qabadka Ee Mustaqiim
kampalla, Ugandha,
E-mail: mustaqiimcom@hotmail.com