Maamulka Ahlu-sunna Wal-jamaaca oo xalay Bandaw ku soo rogey Magaalada Dhuusamareeb

16 07 2010
Maamulka Ahu-sunna Wal-jamaaca ee Goballada dhexe ayaa xalay Bandaw ku soo rogey Magaalada Dhuusamareeb ee Xarunta Gobalka Galguduud.
 
Bandawgaan ayaa bilawday xalay markii ay saacaddu ahayd 7:00, waxaana isla saacaddaas uu Maamulku ku amrey Goobaha Ganacsiga oo dhan in la xiro iyo Goobaha wax-barashadaba, waxaan ka ahayn xalaqooyinka Diinta Islaamka lagu barto.
 
Maamulka ayaa Bandawgaan ku tilmaamay in lagu sugayo amniga Magaalada Dhuusamareeb ee Xarunta Gobalka Galguduud, waxaana lala soconayaa dhaq-dhaqaaqa dadka fidna-wadayaasha ah.
 
Maamulka Ahlu-sunna Wal-jamaaca ayaa marar badan Bandawyadaan oo kale ku soo rogey deegaannada ay maamulaan, halkaas lagu soo qab qabtey shar wadayaal dadka ku dhex dhuumanayay.
 
Si kastaba ha ahaatee, waxaa arrintaan soo dhaweeyey Shacabka Magaalada Dhuusamareeb ee Xarunta Gobalk Galguduud, waxayna ku tilmaameen arrin hour kac ah oo lagu sugaya Amniga deegaanka.
 

Xafiiska War-qabadka Ee Mustaqiim
Dhuusamareeb, Galguduud, Soomaaliya,
E-mail: mustaqiimcom@hotmail.com