Midawga Afrika oo isku raacey in Al-shabaab la baa’biyo iyo Ciidamo dheeraad ah oo ay u soo dirayaan Soomaaliya

24 06 2010
Shirkii midawga Afrika uga socday Magaalada Kampalla ee Waddanka Ugandha ayaa waxaa la isku afgartey in Khawaarijta Al-shabaab waddanka Soomaaliya oo dhan laga saaro.
 
Waxaa lagu go’aansaday shirkaas oo soconayey saddex beri in xididada loo siibo Ururka Khawaarijta Al-shabaab, oo hadda bilaabey in waddanka Soomaaliya dibadiisana dhibaato ka geysato.
 
Shirkaan oo uu waddanka Ugandha guddoominayey ayaa waxa la isku raacey in ay Al-shabaab ay khatar ku tahay amniga Soomaaliya iyo tan gobalkaba.
 
Waxaa isla shirkaas ku yaboohey ciidamo waddamo badan oo Afrikaan ah oo ay ugu horreyso waddanka Jabuuti iyo Gini iyo Ganaba, mid walbana wuxuu ballan qaadey hal batalyan oo ciidamo ah oo hoos tagaya Ciidamada Afrikaanka ah ee hadda ku sugan Muqdisho.
 
Ciidamaaan ayaa haddii ay Soomaaliya soo galaan la aamisan yahay in ay Shacabka Soomaaliyeed dhibaayo u geysanayaan madaafiicda ay ridayaan, iyagoo dhanka kalana la aaminsan yahay in ay Khawaarijta dharbaaxi xoog leh ku dhufanayaan.
 
Xafiiska War-qabadka Ee Mustaqiim
Addis-ababa, Itoobiya, E-mail: mustaqiimcom@hotmail.com