Dawladda Ingiriiska oo codkeeda ku dartey in Khawaarijta Al-shabaab la baa’iyo ciidamana Soomaaliya loo diro

25 06 2010
Dawladda Boqortooyada Waddanka Ingiriiska ayaa shaaca ka qaaddey walaaca ay ka qabto Khawaarijta Al-shabaab oo dhibaato ku haysa waddanka Soomaaliya iyo caalamkaba.
 
Dawladda Ingiriiska ayaa ku baaqday si Khawaarijta Al-shabaab loo cirib tiro in Soomaaliya ay muhiim tahay in Ciidamo Shisheeye loo diro, si markaas Khawaarijta Al-shabaab waddanka Soomaaliya looga dabar gooyo.
 
Waxay dawladda Ingiriisku ku talisay in Soomaaliya si deg deg ah loogu diro Ciidamo Afrikaan ah oo fara badan oo dalal kala duwan ka kala socda si loo sii xoojiyo kuwa Soomaaliya imminka ku sugan.
 
Hadalka dawladda Ingiriiska ayaa ku soo beegmaya xilli uu African Union uu uga socdo Magaalada Kampalla ee Cariga Ugandha wadahadalo ku aaddan sidii Khawaarijta Al-shabaab laga yeeli lahaa.
 
Arrintaan ayaa waxay qayb ka tahay ola olaha uu caalamku uga jiro sidii Khawaarijta Al-shabaab inta aysan caalamka ku fidin wax looga qaban lahaa, loona tir tiri lahaa.
 

Xafiiska War-qabadka Ee Mustaqiim
London, England,
E-mail: mustaqiimcom@hotmail.com