Qafaal ay Khawaarijtu ka waddo Jubbooyinka iyo Shabeellooyinka

17 06 2010
Khawaarijta Al-shabaab ayaa lagu soo warramayaa in ay waayadan oo dhan ka wadeen Qafaal deegaannada ay xoogga ku haystaan oo ay ka mid yihiin Jubbooyinka iyo Shabeellooyinka.
 
Waxaa lagu soo warramayaa in ay qafaashaan Carruurta ay da’doodu u dhaxayso 10-18 jir, waxayna ka kaxaynayaan deegaankooda iyagoo geynaya deegaanno kale oo ay tabbabar yar u fidinayaan.
 
Carruurtaas ayaa Khawaarijtu waxay doonaysaa in ka qayb galiso dagaallada ay ka waddo Waddanka Soomaaliya, gaar ahaan koofurtiisa.
 
Ma ahan markii ugu horreysay ee ay Khawaarijtu qafaalato carruur aad u da’yar, horey ayey deegaannada uga xaalufisay Carruurtii, iyagoo intii badnayd ay ku dhinteen Dagaalladii Khawaarijta ee Gobalka Galguduud.
 
Ilaa imminka waaridiin badan ayaan carruurtoodii ogeyn meel ay joogaan, waxaa jira Waaridiin badan oo carruurtoodii la fakaday oo aadey waddamada deriska ah iyo Goballada dhexe.
 

Xafiiska War-qabadka Ee Mustaqiim
Kismaayo, Jubbada Hoose, Soomaaliya,
E-mail: mustaqiimcom@hotmail.com