Ururkii Burburey ee Wahaabiyada oo wada ole ole uu dib ugu soo laabto iyo lacago ay doonayeen in ay aruuriyaan oo laga diidey

30 06 2010
Ururkii Wahaabiyada ahaa ee uu hoggaaminayey C/nuur C/salaam ayaa waayadan oo dhan waday ole ole ay ku doonayanaan in ay dib u soo nooleeyaan Ururkii ay ku bahoobeen Wahaabiyadu ee la oran jirey SDSI.
 
Ururkaas oo dhammaan Beesha Sade ay ka soo horjeesatey ka dib markii ay arkeen dhinaca uu u socdo ayaa waxaa ku yimid fashil aad u weyn.
 
Ururkaan ayaa ujeeddada laga lahaa ay ahayd sidii Maamulka ahlu-sunna Wal-jamaaca meesha looga saari lahaa looguna baddeli lahaa Ururka Khawaarijta Al-shabaab.
 
Waxay isla markii ay ururka dhiseen ay bilaabeen hadafkoosii, iyagoo dadkii ay u magacawdeen in ay bur buriyaan maamulka Ahlusunna Waljamaac ee magaalada Caabudwaaq, ay culimada Ahlusunna waljamaaca ay u taxabeen xabsi, iyagoo lagu xukumay magaalada Dhuusamareeb, ee Magaalada Madaxda gobalka Galgaduud.
 
Arrintaas markii ay dhacday oo la wada ogaadey ayaa waxaa ururkaas xarigga u jaray dhammaan bahweynta Beesha Sade meel walba oo ay joogaan, isla mar ahaantaasna ururkii wuu bur burey.
 
Waxay kaloo Beesha Sade isla sheegtey, sababta uu Ururkaani u bartilmaameedsado Caabudwaaq, oo uusan u rabin Deegaannada Gedo iyo Jubbooyinka Beesha Dagto, waxaana taas markhaati ka tahay in ay Ururkaasi ay wahaabiyo iyo Khawaarij wadato.
 
Waayadan ayaa waxay misana bilaabeen in dadkale ku gabbadaan, waxayna abaabulayaan shirar kale, iyagoo maalin dhaweyd musiibo iyo isku dira dire weyn dhex dhigey Beesha Sade ee ku nool waddanka Ingiriiska.
 
Sida uu daabacay shalay Wargeyska Allgedo.com, waxay hadda bilaabeen Khawaarijtu in ay Beesha doonayaa in ay lacago uga aruursadaan Dhibaatadii Ceeldibir ka dhacday, waxayna doonayaan in ay lacagtaas u diraan Khawaarijta Al-shabaab, si dhibaatada ay soomaaliya ku hayso u sii laban laabto.
 
Khawaarijtaan iyo Wahaabiyada is bahaysatey ee doonaysa in ay Shaatiga beesha Sade ku qaraabtaan misa ku dibindaabyeeyaan ayaa waxaa looga digayaa beesha in sidii ay isaga ilaalin jireen isaga ilaaliyaan, wax lacag ahna aanan la siin.
 
Arrintaan ay Khawaarijtu waddo ayaa la filayaa in ay ku hingoobaan, ayna fashil ku dambeeyaan sidii ay horey ugu dambeeyeenba.
 

Xafiiska War-qabadka Ee Mustaqiim
Ohio, USA
E-mail: mustaqiimcom@hotmail.com