Khawaarijka Biixi Gardheer oo imminka Nayroobi ku sugan iyo shir ay doonayaan in ay Wahaabiyadu ku qabato Magaalada Nayroobi 12ka bisha Soo socota. Yaa qabanaya? Maxaase looga hadlayaa?! War-bixin xasaasi ah.

30 06 2010
Sida ay sheegayaan warar aannu ka helnay magaalada Nayroobi ee Caasimadda Waddanka Kenya, waxaa halkaas tagey Wahaabi lagu magacaabo Biixi Gardheere.
 
Wahaabigaan ayaa asal ahaan, ahaan jirey Sarkaal ka tirsanaa Ciidamadii xoogga dalka Soomaaliya, waxaana la dhihi jirey xillagaas oo loo yaqaaney Biixi.
 
Xilligii ay dhacday dawladdii dhexe ayuu ku biirey Wahaabiyadii, wuxuuna ka soo qayb qaatey dagaalladii ka dhici jirey Gobalka Gedo, wuxuuna la baxay Biixi Gardheere.
 
Wahaabigaan ayaa u guurey waddanka Holland, halkaas oo uu ka qaatey dhalasho oo ay isaga iyo carruurtiisa ku noolaayeen. Wahaabigaan ayaa qeyb weyn ku lahaa dagaalladii ka dhacay Jubbooyinka oo ay ku qabsanayeen Khawaarijta Al-shabaab, isagoo lacag aad u badan u aruurin jirey Khawaarijta.
 
Wahaabigaan ayaa imminka kaw ka ah Maamul gobaleedka loo asaasey in lagu bur buriyo Maamulka Culimada Ahlu-sunna Wal-jamaaca, wuxuuna ka mid yahay halbawlaha shirar ka dhicidoona Magaalada Nayroobi oo ay ku ballan san yihiin Dhammaan Wahaabiyadu.
 
Biixi Gardheere ayaa isaga iyo carruurtiisi yimaadeen Magaalada Nayroobi, isagoo gebi ahaamba ka soo guurey Yurub oo dhan, oo sheegey in uusan dib dambe ugu soo laaban doonin, wuxuuna dhaar ku maray in uu la wareegi doono Deegaannada ay Maamulaan Culimada Ahlu-sunna Wal-jamaaca, wuxuu sheegey in uu ka bilaabi doono Magaalada Ballanballe oo ehelkiisu daggan yihiin.
 
Waxaa lagu soo warramayaa in uu Ciidamo ka amar qaata ku sugan yihiin Ceelbuur oo doonayo in uu geysto Magaalada Ballanbal, wuxuuna sheegey in uu qaab qabiil mari doono.
 
Dhanka kale waxaa socda shir uu ninkaas abaabulayo oo ay ka soo qayb galayaan ragga uu ka midka yahay Shaydaan Carrabey, oo ay doonayaan in ay hawlahooda ku dar dar geliyaan, kagana arrinsadaan sidii dhibaato loogu geysan lahaa Maamulka Ahlusunna Waljamaaca.
 
Shirkaan ayaa waxaa lagu wadaa in uu qabsoomo 12ka Bisha soo socota, halkaas oo Wahaabiyo oo dhan isku wareysan doonto sidii ay u bur burin lahaayeen Ahlusunna waljamaaca, taasoo alle uusan Qaddari doonin.
 
Dhan kale waxaa arrintaas aad ola socda Culimada Ahlusunna Waljamaaca oo diyaar garaw dagaal ugu jira, iyadoo ninkii Khawaarijtaas ka mid ah oo soo dhiga cago Deegaannada Ahlusunna Waljamaaca uu cadaab adduunyo la kulmi doono.
 

Xafiiska War-qabadka Ee Mustaqiim
Islii, Nayroobi, Kenya,
E-mail: mustaqiimcom@hotmail.com