Gudiga qaban qaabada mowlidka ee magaalada Nairobi oo diyaar garowgii ugu sareeyey u galay banaan baxa weyn ee maanta.

28 02 2010
waxaa diyaar garowgii u dambeeyey maanta ku jira gudiga qaban qaabada mowlidka ee magaalada Nairobi iyadoo la rajeenayo in saacadaha soo socdo uu dhici doono banaan baxii ugu balaarnaa ee ixtifaalka mowlidka.
 
Qaar ka mid ah gudiga qaban qaabada mowlidka oo ka war bixiyey sida uu dhici doono banaan baxaas ayaa waxaa ay sheegeen in munaasabadaan ay tahay mid si heer sare ah loo soo agaasimay ayna qorsheenayaan in ay muujiyaan shacaa'ir kala duduwan
 
Sh.Mustafa C/Laahi Bulxan oo ah gudoomiyaha dhalinyarada Ahlusunnah Waljamaacah ee dalkan Kenya oo ka war bixinaya sida loo soo agaasimay banaan baxan ayaa yiri ''Waxaan rajeyneynayaa isku soo baxan in uu noqdo kii ugu balaarnaa ee abid ka dhaca dalkan kenya.
 
Wax ictibaar ahna ma siin doonno bidcooyinka laga tirada badanyahay ee diidan ku farxida dhalishada Nabigeena suuban (SCW) waxaana uga baaqayaa kooxahan ictiqaadka xun in ay joojiyaan waxyaabaha israa'iiliyaadka iyo qusacbalaadka ah oo ay ka dhaadhicinayaan dadka wax ma garatada ah.''
 
Waxaa sidoo kale uu shiikhu sheegay in munaasabadan ay ku marti qaadeen culumaa'uddiin farabadan oo isugu jira dhamaan muslimiinta dalkan kenya iyo madax muslimiin ah oo ka tirsan dowlada kenya
 
Meelaha ay laga soo kala bixi doono ayaa waxaa ka mid ah 1) Masjidu Nuur oo ku yaala xaafada section three ayaa marka ugu horeysa salaada casir kadib laga soo bixi doonaa iyaga oo soo maraya wadada 12 street.
 
marka ay halkaasi soo gaaraan ayaa si wada jir ah hadana looga soo wada dhaqaaqi doonaa qeybta labaad oo ah 2)Masjidu saxaabah oo loo yaqaan masaajidka 12ka waxaa marka ay dabaal dagayaashu soo gaaraan wadada third street ay misana si wada jir ah isaga soo raaci doonaan qeyba sadexaad (3) oo ku diyaarsan masaajid ka Third Street.
 
Sidoo kale marka ay socdaalayaashu soo gaaraan masaajidka nuurka ah ee Al-Xaq ayaa hal mar ah jaanta la isla qaadi doonaa waxaana si waafi ahna loo soo wada mari doonaa wadoodinya xaafada Eastleigh(islii)
 
Socodkan balaaran ayaa ugu dambeyn la isugu imaan doonaa iskuulka loo yaqaan 'New Eastleigh Primary School' halkaasi oo muxaadarooyin kala duduwan iyo taariikhdii Nabigeena (CSW) laga soo jeedin doono.
 
Wixii warar dheeri ah ku saabsaan banaan baxaas iyo kuwa kale oo caalamka ka dhacaya kala soco website ka mustaqiim.
 

W/D
Zakaria Yussuf Kulane
Nairobi kenya