Nin Aduunya Joogoow Maxaa Aragti kuulaaban, Wahaabi Sheeganaya in uu yahay Ugaas Islamarkasna uu u Taliyo Beel ayaa kasoo Baxay wadanka Soomaaliya,

02 03 2010
Gobolada puntland ee dalka soomaaliya ayaa waxaa ka soo baxay wahaabi sheeganaya in uu yahay Ugaas islamarkaana sheeganaya in uu u taliyo beel degen deegaan kaas ayaa waxaa laga soo sheegay gobolkaasi, wahaabigaas ayaa waxaa lagu magacaabay Maxamud Yuusuf.
 
Soomaalida ayaa waxaa ay horay ugu maahmaahday nin aduunyo joogoow maxaa aragti kuu laaban hada waxaan joognaba waxaan dhagaheena ku maqlaynaa wahaabi al-shabaab ah oo sheeganaya in uu beel soomaaliyeed u yahay ugaas!!!.
 
Si kastaba ha ahaatee waxaa la orankaraa waa isku dayga wahaabiyada iyo qorshahooda qiyaano ee ay hadba ku doonayaan in ay shacabka soomaaliyeed ku dagaan, awal waxaa lagu yiqiinay in ay kusoo gabadaan dhanka diinta iyo dhanka siyaasada hadase waa arin ugub ah waxaana hada iskugu soo biyo shubatay dhinaca ugaasnimada.
 
Wahaabigaan oo lagu magacaabo maxamuud yuusuf ayaa waxaa uu iskiis iskugu magacaabay in uu ugaas u yahay beel soomaaliyeed oo degta gobolada puntland ee soomaaliya waxaana uu watay wahaabigaan qorshe dheer taasoo ay kuwada socdeen koox kale oo caanku ah wahabinimada gobolkaasi waxaana ka mid ah madaxweeynaha maamulka puntland C/raxmaan faroole oo lafdhabar u ah qorshe kasta ee wahaabi oo ka hirgala deegaanka puntland.
 
Isku daygaan maxamuud yuusuf uu ku sheeganayo in uu yahay ugaas ma ahan mid hadafkiisu uu ku egyahay gudaha puntland oo kaliya ee waa qorshe hor leh oo ay wahaabiayadu ku doonayaan in ay istiraatiijiyadoodii qaldan ay ku balaarinayaan taasoo ay rabaan in ay kasoo galaan dhinaca qabaa’ilka taasoo ah khiyaano aad u xun laakiin waxaan shacabka soomaaliyed uga digaynaa khiyaano walaba oo ay wahaabiyiintu ku doonayaan in ay ku majaxaabiyaan hanaanka qabaa’ilka iyo hurursocodka bulshada Puntland.
 
Isku soo wada duub wahabi ma noqdo ugaas iyo iyo Islaan toona waa gaf weeyn oo laga galay umada somaliyed, sidoo kalena beesha uu ka dhashay wahaabi maxamuud yuusuf waxaan uga tacsiyaynaynaa gafkan waxaana ugu hambalyaynaynaa sida sharafta badan ee ay u ridiyeen islamarkaasna ay ugu xuseen taariikhda in uusan wahaabi u qalmin mansabka Ugaasnimo.
 
W/D Sh Cumar
Columbus,Ohio