Qaar ka mid ah Shacabka Magaalada Jawhar oo dhigayey Mawliidka Nabiga oo dhibaatooyin Khawaarijta Al-shabaab u geysatey

02 03 2010
Sida ay sheegayaan wararka ka imaanaya Magaalada Jawhar ee Xarunta Gobalka Shabeellada dhexe, waxaa Shacabka ku dhaqan Magaalada Jawhar isku dayeen in ay Xusaan Maalinta Dhalashada Nabiga (SCW).
 
Shacabka ayaa markii ay bilaabeen in ay usu-soo bax sameeyaan ayaa waxaa ka hor istaagey Khawaarijta Al-shabaab ee halkaas xoogga ku haysta. Dadkii halkaas isugu yimid ayaa waxay ku fureen rasaas, halkaas oo aysan cidna waxba ka soo gaarin.
 
Waxay kaloo soo qab-qabteen dad fara-badan oo u istaagey in ay Nabiga (SCW) Dhalashadiisa weyneeyaan, dadkaas ayaa ilaa iyo imminka ku jira xabsiga magaalada Jawhar, iyadoo intooda badan lagu jir dilay dad badan oo carruur iyo haween u badnaa.
 
Mawliidka Nabiga (SCW) ayaa waxaa laga dhigay Adduunka oo dhan iyo weliba Soomaaliya iyadoo Khawaarijtu iclaamiyey in aan nabiga (SCW) laga weynayn Karin meelaha ay Qasabka iyo sandullaha ku haystaan.
 

Xafiiska War-qabadka Ee Mustaqiim
Jawhar, Shabeellada Dhexe,
E-mail: mustaqiimcom@hotmail.com