Al-shabaab oo mar kale ka bilaabay Goballada Bay iyo Bakool in ay quftaan Qabuuraha' lafahana iib geeyaan

09 03 2010
Ururka Khawaarijta Al-shabaab ee xoogga ku haysta Goballada Bay iyo Bakool ayaa waayadaan oo dhan ka wadey Magaalooyinka iyo Baadiyaha Goballada Bay iyo Bakool Qabuuro-fagid, iyagoo in ka badan 300 oo Qabri soo faagey lafahoodii.
 
Dhaqdhaqaaqa Khawaarijta Al-shabaab ayaan la ogeyn sababta ka dambaysa in ay lafaha mawtida quftaan, hase yeeshee warar ka soo baxaya ilo ku dhaw-dhaw Khawaarijta Al-shabaab ayaa sheegaya in ay lafaha aadamiga ay u iib-geeyaan dalal shihseeye, oo inta war-shadeeya wax-soo-saar ka sameeya.
 
Arrintaas ayaa fajiciso ku noqotay dadka Soomaaliyeed ka dib markii ay arrintaan maqleen, iyagoo la yaabey dad Bini-aadam ah oo Alle waa hore oofsadey in lafahooda dib loo soo faago si loo gato, taasoo ka hor imaanaysa Diinta iyo Caqliga saliimka ah ee Bini-aadamka.
 
Odayaasha iyo Wax-garadka Beelaha Dega Geegaannada Bay iyo Bakool ayaa ugu baaqey Dhaqdhaqaaqa Khawaarijta Al-shabaab in ay joojiyaan falalka waxshinimada ah ee ay ka wadaan deegaannada Bay iyo Bakool.
 
Dadka Deegaannaas iyo Soomaali oo dhan ayey arrintaan ku cusub tahay, taasoo intii ay Soomaali jirtey aanan hore loo arag dad ku kaca arrintaas oo kale ee Bini-aadaminimada iyo Diinta Islaamkaba ka dhanka ah.
 
Ma ahan markii ugu horreysay ee ay Khawaarijta Al-shabaab ay lafo dad horey u dhintey soo faagaan oo iibsadaan, horey ayey 2006dii u soo qufeen lafo dad Talyaani ahaa oo ku duugnaa aaga-gaarka SOS, ayna kuu iibsadeen lacag aad u farabadnayd.
 

Xafiiska War-qabadka Ee Mustaqiim,
Baydhabo, Bay,
E-mail: mustaqiimcom@hotmail.com