Barre Cali Barre oo Katirsanaay Khawaarijta Xisbul Shaydaan oo lagu Toogtay Bakaaro .

09 03 2010
Barre Cali Barre oo ka tirsanaa Khawaarijta Xisbul Shaydaan ayaa goor dhow lagu dilay suuqa Bakaaraha ee magaalada Muqdisho.
 
Dad goobjoogayaal ah oo ku sugan suuqa Bakaaraha ayaa Radio Mustaqiim u xaqiijiyay in Barre Cali Barre oo ka mid ahaa horjoogayaasha maleeshiyaadka Xisbul Shaydaan lagu dilay meel ku dhow Machadka SOCOMIN ee suuqa Bakaaraha.
 
Barre Cali Bare wuxuu ahaa afhayeenka garabka raas Kambooni oo ka tirsan Maleeshiyada Xisbul-Shaydaan, wuxuuna ka soo horjeestay ku biiristii Xassan Turki ee Maleeshiyada Shabaab, wuxuuna Dilka hor joogahan ka tirsan Xisbul Shaydaan qeyb ka yahay is ugaarsi u dhexeeya labada Khawaarij.
 
Sidoo kale Barre Cali Barre horay ayaa gurigiisa oo ku yaala Magaalada Muqdisho loogu weeraray, hase yeeshee wuu ka badbaaday.
 
Labo maalmood ka hor ayay ahayd markii hor jooge ka tirsan Khawaarijta Shabaab lagu dilay isgoyska Sanca ee magaalada Muqdisho, dilkaasi oo ay geysteen Xisbul Shaydaan.
 
Dilka Barre Cali Barre ayaa la rumeysan yahay in loogu aar gudayo dilkii Xisbigu u geystay horjooge ka tirsanaa Alshabaab oo la oran jiray Gaagaale.