Culimada Ahlu-sunna Wal-jamaaca oo mar kale ku celiyey in ay Hay’adaha Gargaarku Taakuleeyaan Ummadda Soomaaliyeed ee la barakiciyey

10 03 2010
Maamulka Culimada Soomaaliyeed ee Ahlu-sunna Wal-jamaaca ayaa mar kale ugu baaqey Hay’adaha Gargaarka in ay taakuleeyaan Ummadda Soomaaliyeed ee ka barakacay Dagaallada ay huriyaan Khawaarijtu.
 
Culimadu waxay sidoo kale ka codsadeen Hay’adaha Gargaarka in ay u Gargaaraan dadka Abaaruhu barakiyeen ee ku dhibaateysan Goballada kala duwan ee Soomaaliya iyo xittaa kuwa ay Gacanta ku hayaan.
 
Culimada ayaa baaqaan oo kale horey ugu soo jeediyey Hay’adaha Gargaarka, taasoo ay hay’adaha Gargaarku aqbaleen, soona gaarsiiyeen Caawino Bini-Aadaminimo dadka ku nool Goballada Mudug, Galguduud iyo Goballada Waqooyi iyo kuwa Beriba.
 
Hadda ayaa xaalad adag ayaa waxay ka taagan tahay dadka ka barakacay Gobalka Hiiraan oo qaarkood soo gaareen Gobalka Galguduud qaarna ay Khawaarijtu ku xannibtay isla Magaalada Baladweyne gaar ahaan Beriga Magaalada Baladweyne.
 
Dadkaas ay xannibeen Khawaarijtu oo ay diideen in ay meel kale uga baxaan Magaalada Baladweyne ayaa aad u dhibaateysan, oo ilaa imminka aan helin wax taageero, kuwaas oo ay u dideen Khawaarijtu in la taakuleeyo.
 

Xafiiska War-qabadka Ee Mustaqiim
Goballada Dhexe,
E-mail: mustaqiimcom@hotmail.com