Wiil u dhashay waddanka Mareykanka oo doonayey in uu ku biro Khawaarijta Al-shabaab oo Mareykanku uu qabtey

22 06 2010
Wiil u dhashay waddanka Mareykanka ayaa waxaa qabtey hay’adda Sirdoonka waddanka Mareykanka ee loo yaqaan FBI.
 
Wiilkaan oo lagu magacaabo Zakaari Adam Shiser oo 20 jir ah ayaa waxaa lagu qabtey garoonka NEW YORK oo doonayey in uu uga duulo waddanka Ugandha , si markaas uu Soomaaliya uga sii gudbo.
 
Wiilkaan oo xaalladdiisii hore ay la socotey FBIda ayaa qirtey markii la qabtey in uu doonayey in uu Khawaarijta Al-shabaab ka bar bar dagaallamo, uuna ku biiro dhaqdhaqaaqooda.
 
Wiilkaas ayaa sidoo kale qirtey in uu Khawaarijta Al-shabaab dhawr jeer lacago u direy uu ku taageerayey, taasoo uu ugu talagalay in ay hawl galladooda dagaalka ah ku sii wadaan.
 
Arrintaan ayaa waxaa soo dhaweeyey Ummadda Soomaaliyeed oo khaatirka ka taaggan ajaaniibta badan ee waddanka Soomaaliya ku soo qul quleysa.
 
Waddamada Reer Galbeedka ayaa waayadan taxaddar dhanka duullimaadka ah muujinaya, taasoo dhibaato weyn ku noqonaysa Khawaarijta Al-shabaab.
 

Xafiiska War-qabadka Ee Mustaqiim
New York, USA,
E-mail: mustaqiimcom@hotmail.com