Xaafadda Islii ee Magaalada Nayroobi oo uu raaf adag ka socdo

17 06 2010
Xaafadda Islii Magaalada Nayroobi ee caasimadda Waddanka Kenya ayaa waxaa ka socda Raaf adag oo lagu raafayo Soomaalida halkaas ku dhaqan.
 
Waxaa la xir xirey Dukaamo badan oo ka ganacsanayeen Soomaalida halkaas ku dhaqan, waxaa sidoo kale la raafey Soomaali badan oo halkaas ku dhaqnayd, oo u joogey halkaas Qaxootinimo.
 
Ilaa iyo imminka ayaa waxaa lagu soo warramayaa in ay Ciidamda Policeka waddanka Kenya ay raafayaan Soomaalida, iyagoo ku guraya gaari shabaqle ah.
 
Lama garanayo dadka meesha ay geeyaan iyo tirada ay ilaa iyo imminka qabteen, waxaase loo malaynayaa in ay xabsiyo ka buuxiyeen.
 
Arrintaan ayaa timid ka dib markii ay Khawaarijtu qarxisay Magaalada Kampalla ee Caasimadda Waddanka Ugandha, taasoo Soomaalidii ku noolayd Keyna iyo Ugandha u keentey mashaakil badan.
 
Shacabka Soomaaliyeed ee ku dhaqan labada waddan ayaa waxaa lagu soo warramayaa in ay ciriiri galeen lana ugaarsanayo, mana jirto dawlad Soomaaliyeed oo arrintaas wax ka qabanaysa.
 
Magaalada Nayroobi Soomaalida ku nool ayaa waxaa lagu soo warramayaa in ay Masaajidda ka habaarayeen Khawaarijta Al-shabaab, oo waddankiina dhibaato dadka ku haysa, dibaddiina uga dabatimid.
 

Xafiiska War-qabadka Ee Mustaqiim
Islii, Nayroobi, Kenya,
E-mail: mustaqiimcom@hotmail.com