Hey’adaha samafalka oo ku sii qulqulaya Gobolada dhexe ee ay ka taliyaan Culumada Ahlusuna waljamaaca

Hey’adaha ayaa waxaa ay ka soo cararayaan goobaha ay ka taliyaan wahaabiyada Al-shabaab taasoo ay keentay amaan dari soo foodsaartay deegaanadaas oo marwalba dhac iyo boob loogu geeysto dadka ka shaqeeya gargaarka bini’aadanimada.
 
Hey’adahaas ayaa waxaa ay bartilmaameed ka dhiganayaan oo u noqotay goob ay amaan ku heli karaan islamarkaasna ay gaarsiin karaan gargaarka ay dadka u wadaan gobolada dhexe oo ay hada maamulkeeda gacanta ku hayaan culumaa’udiinka Ahlusuna waljamaaca
 
Khawaarijta ayaa goobaha ay gacanta ku hayaan waxaa ay dadka ganacsatada ah ka qaadaan lacago baad ah waxaana ugu dambeeysay shalay oo ay dukaamo ku yaala suuqa bakaaraha ee magaalada muqdisho ay irdaha iskugu laabeen ka dib markii ay diideen kordhinta lacago baad ah oo ay awal kaqaadijireen suuqaasi.
 
Daka ganacsatada ah ee ka shaqeeya goobaha ay ka taliyaan wahaabiyada ayaa waxaa soo foodsaartay baqdin ku aadan ganacsigooda oo ay marwalba bixiyaan lacago aysan awoodin marka dadkaas ayaa waxaa hada u sinaaday in ayba gabi ahaanba joojiyaan ganacasiga ay wadaan iyo in ay iskaga guuraan goobaha ay ka talliyaan shabaabka.
 
Si kastaba ha ahaatee waxaa halmar isla dhawaaqay hey’adaha iyo ganacsatada ku dhaqan goobaha ay wahaabiyadu ay joogaan waxaana hada deeganadaas oo dhan iskaga baxay dhamaan hey’adihii gargaarka kuwasoo hada saldhigyo cusub ka furanaya gobolada dhexe ee ay gacanta ku hayaan Culumada Ahlusunnah, halkaasoo ah goobo si adag loo sugay amaankooda islamarkaasna uu ka dhex shaqaysan karo soomaali kasta, sidoo kalena ay ka hawlgali karaan hey;adaha caalamiga ah ee dadka ay aafeeyeen dagaalada wahaabiyada u gargaaraya.

 

 

 
Xafiiska War-qabadka Ee Mustaqiim.com
 
Gobolada Dhexe, Somalia
 
E-mail: mustaqiimcom@hotmail.com