Xassan Daahir Uweys oo mar kale ku celiyey in ay Khawaarijtiisu sii wadi doonto dagaalka ka dhanka ah Ummadda Soomaaliyeed

Guddoomiyaha Ururka Khawaarijta Xizbul Shaydaan Al-khawaarij Xassan Daahir Uweys ayaa mar kale ku celiyey in uu Ururkiisu sii wadi doono dagaalka ka dhan ka ah Ummadda Soomaaliyeed.
 
Khawaarijka Xassan Daahir ayaa war-saxaafadeed uu jeediyey ku sheegey in uu Ururkiisu marnaba joojin doonin Dagaalka uu ku jiro. Wuxuu Xassan hadalkiisa ku daray in uu yahay Dagaalkiisu mid barakaysan oo isaga iyo Ururkiisuba yihiin Janna-sugayaal!!
 
Wuxuu Khawaarijkaan sheegey in uu u raadinayo hub fara badan Waddanka Eratariy halkaas oo Dawladdaas Erateriay ay u ballan-qaadey Hub badan oo ay ugu tala gashay in uu Al-Khawaarij Xassan Daahir ku gumaado Inta ka soo hartey Ummadda Soomaaliyeed.
 
Wuxuu Khawaarijkaan la kulmay Ganacsatada Khawaarijta ee ka hawl-gasha Suuqa Bakaaraha ee Magaalada Muqdisho wuxuuna ka codsadey in ay keenaan lacag fara badan oo loo adeegsado in colaadaha Soomaaliya ka aloosan lagu sii huriyo.
 
Ganacsatada Khawaarijta ayaa iyaguna dhankooda bilaabey in ay soo dhaweeyaan fikirka Khawaarijka Xassan Daahir, iyagoo ballan qaadey in ay bixin doonaan wixii dhaqaale ah oo ay awoodaan si loo gaaro ahdaaf qarsoon oo ay ka leeyihiin Khawaarijtu Waddanka Soomaaliya.
 
Hadalka Khawaarijkaan Xassan Daahir ayaa ku soo beegmay xilli Ummadda Soomaaliyeed ay la rafaadsan tahay dhibaatooyin dhanka dagaallada ah ee ay Khawaarijtu ka waddo waddanka Soomaaliya.
 
Waxaa ku dhimatey dabayaaqadii bishii la soo dhaafey 150 qof oo Soomaali ah dagaallo Khawaarijta Muqdisho ku dhex marey, waxaa kaloo ku dhaawacmay in ka badan 210 qof oo Soomaali ah isla dagaalladaas. Waxaa kaloo ku barakacay in ka badan 600 oo qoys, oo guryahoodii ku waayey.
 

 

 

 

 

Xafiiska War-qabadka Ee Mustaqiim.com
 
E-mail: mustaqiimcom@hotmail.com .