Webseedyada qaar inta Alle ka cabsadaan ha iska daayaan Sax ka dhigista Rajminta Qaldan ee ay dadka ku xasuuqeen Shabaabka iyo ku Tacadiga Shacabka la daalaa dhacaya Abaaraha iyo Gumaadka Khawaarijta.

Walalayaal ma ahan in aan indhaha ka qarsano dhibta maanta haysata umadeena ma ahan in anagoo og qaladadka shabaabka ay u geesanayaan dadkeena aan afka ka awdno, walaalayaal ma ahan in aan sax ka dhigno xadadka ay shabaabku ku oofinayaan dhalinyada Soomaaliyeed walaalayaal miyaysan ahayn kuwa qaldan in ay yihiin shabaabka, hadii aanu ognahay kuwa sida arxan la’aanta ah shacabka u xasuuqaya maxaan uga baqaynaa oo aan webseedyada ugu qoraynaa qaladaadkooda in ay yihiin wax sax ah.
 
Waxaa jira maanta webseedyada qaar in ay qorayaan wiil dhalinyaro ah oo si bilaa naxaris ah dhagax loogu dilay in ay ku tilmaamayaan in ay tahay waajib ay shabaabku guteen, walaalayaal ma ahan sidaas waana fikrad qaldan maxaa yeelay waxaa qof rajmin kara waa dawlada iyo qaadi caadil ah oo islamarkaas ay umadu doorato marka shabaabka ma soo gali karaan sifadaas ay qabto diinteena jawaabtu waa maya iskadaa in ay soo galaane waxaa cad in maanta hadii ay jiri lahayd dawlad cadaalad ah in dhamaantood wahaabiyada shabaabka eey dhagax lagu dili lahaa maxaa yeelay dadkii aaway waxaa ay u qaybiyeen sadex qaybood qayb waxaa ay u direen xeryaha qaxoootiga oo halkaas ayay ku tuugsadaan qaybna waxay ku nool yihiin argagax iyo cabsi, qaarna waxaa ay u direen dhulka hoostiisa oo waa ay dileen.
 
Maxay tahay dawrka Saxaafadu ay ku leedahay in ay u doodaan xaquuqda shacabka mise waan iska indha tiraynaa.maxaa inoo diiday in aan u doodno xaquuqda dadka kibirka lagu laylnayo mise waan baqaynaa, maahan in aan sidaas oo dhan u baqno waa in saxaafadu ay ka runsheegtaa qaldaadka wahaabiyada hadii kale ogaada waxaan ka qayb qaadanayanaa anaguna dhibta ay kuwaas xun xun ay ku hayaan dadkerena
 
Webseedyada qaar ayaa waxaa ay intabadan sax ku tilmaamaan qaladaadka iyo ku tacadiga shabaabka ay shacabkeena ku hayaan midaasna waa qalad aanu ka galayno umadeena, waxaa larabay in webseedyadu ay si daacad ah wax uga qoraan waxwalba oo dhacaya.
 
Waxaan ku soo gaba gabaynaynaa faaladeenaan webseedyada qaarka qoraya buun buuninta qaladaadka wahaabiyada in ay inte Alle ka baqaan ay iskadaayaan qoraaladaasi ay soo bandhigayaan meesha ay shabaabka ka cabsanayaana ay Alle ka cabsadaan.

 

 

 

 

 

 
Xafiiska War-qabadka Ee Mustaqiim.com
Goladadhexe, Somalia
E-mail: mustaqiimcom@hotmail.com .