Ciidamo boqolaal ah oo ka Tirsan Ahlu-sunna Wal-jamaaca oo maanta dhoolatus Milateri ku maray Xaafado ka mid ah Magaalada Caabudwaaq.

Ciidamo aad u badan oo boqolaal Askari kor u dhaafaya oo shalay loo soo xirey Tababar socdey muddo dheer ayaa maantay dhoolatus Milateri ku marey Xaafado ka mid ah Magaalada Caabduwaaq ee Gobalka Galguduud.
 
Ciidamadaan ayaa Tababar aad u heer sarreeya ku soo qaatey Xerada Cusub ee Balli Soomaali oo ku taalla bariga Magaalada Caabudwaaq, tababarkaas oo socdey in ka badan saddex bilood.
 
Ciidamadaan maanta dhoolatuska Milateri samaynayey ayaa waxay wateen direys Milteri oo aad u qurxoon, kaasoo loogu talagalay in ay kaga duwanaadaan Shacabka.
 
Waxay kaloo ciidamadaan wateed Gaadiidka ku hubeysan Agabyada Milateri ee kala duwan, sida Gawaariga Gaashaaman, kuwa jiida hubka Culus, Gaadiidka Gargaarka, iyo kuwa Sahayda intabada.
 
Ciidamadaan ayaa markii ay dhoolatuska samaynayeen waxay soo jiteen dadweynihii daawanayey, taasoo siisey kalsooni dheeraad ah kana bi’isay wal-wal ay ka qabeen Khawaarijta.
 
Ciidamadaan ayaa qayb weyn ka qaadan doona Ladagaalanka Khawaarijta iyo sugidda Ammaanka Gobalka.

 

 
Xafiiska War-qabadka Ee Mustaqiim.com
 
E-mail: mustaqiimcom@hotmail.com
 

 

 

 

 

 

 

 
.