Wax garad Soomaaliyeed oo siwayn uga horyimid dilkii khawaarijtu ku sheegeen Qisaasta ee ka dhacay Deg Afgooye.

Khawaarijta la baxday Xisbul-Islaam ayaa magaalada afgooye ku diley mooryaan ka tirsan ciidamadooda.
 
Dilkan ay u gaysteen askarigooda ayaa wararka u dhowdhow xisbu shaydaanka waxay sheegayaan in ay sababtay cabsi kaga timi dhinaca dadweynaha , ahallada iyo asaxaabta dhekhtarkii lagu dilay degmada afgooye ee gobolka shabeellada hoose.
 
Gacan ku dhiiglahii la toogtay ee ka tirsanaa ciidammada khawaarijta ee dilay dhakhtarka ayaa la sheegayaa in lagu magacaabo C/Qaadir Med Cabdi Kaazi , wuxuuna ka mid ahaa ciidammada khawaarijta ee lagu tababaray inay si fudud oo macna la'aan ah u laayaan dadka wax ku oolka ah ee muhiimka u ah Ummadda.
 
Dhakhtarka la dilay oo la yiraa Dr.Cusmaan Macallin Axmada ( Bidaareey ) waa dhakhtar caan ka ah gobolka shabeellada hoose gaar ahaan degmada Afgooye, waxaana la xaqqiijiyey in sababta loo dilay dhakhtarka ay ahayd Sigaar uu cabayey .
 
Shakiya badan ayaa ka soo baxaya dilkan loo gaystey dhakhtarka Dr. Bidaareey iyo dilka wiilka la qisaasay labadaba . dad badan ayaa rumaysan in saraakiisha xisbul aslanku soo maleegeen shirqoolka lagu dilay dhaqtarka , dadkaas waxay ku doodayaan in ay caan ku yihiin kooxahan islaamiyiinta sheegtaa inay mararka qaar dilaan , dhoofiyaan , ciqaabaan ama xiraan dhallinyarada ay ku fulyaan fal danbiyeedyada.
 
Dadka qaar ayaa aaminsan in la baaro cidda uu ka dhashay ama uu ka soo jeedo wiilkan lagu toogtay fagaaraha degmada Afgooye , waayo ayey leeyihiin , kooxahan waxaa horey looga bartay in ay ciqaabaan qofka aanay cabsi danbe ka qabin meesha uu ka soo jeedo , iyo qof kasta oo ay u arkaan in dan ugu jirto dilkiisa.
 
Dadka ka shakisaaan falalkan xisbu shaydaanku ka sameeyeen afgooye , waxay leeyihiin haddii ay run ka tahay in wiilkan ay u qisaaseen dilkii uu ugaystay dkhtarka maxay u qasaasi waayeen saraakiishoodii iyo askartoodii caanka ku ahaa toogshada dadka muhiimka ah , iyo marrasta aan waxba galabsan mise waxay leeyihiin war kama hayno cidda dishay!!!. Weliba dadkaas waxaa lagu dilay danbi la'aan , bal waxaa qaarkood lagu dilay khayr ay sameeynayeen sida xuska Nabiga CSWS , siyaarada Qubuuraha Saalixiinta, Xus waalid , Xadrada Dikriga , iyo arrima xaq ah oo dhammaantood lo hayo adillooyin cad cad.
 
Haddaba si arrimahaas iyo kuwa la midka loo xaqiijiyo hawlwadeennada boggan Ahlusunna.org waxay dalbanayaan in loo soo gudbiyo macluumaad dheeraad ah oo ku aaddan dhakhtarka la dilay iyo wiilka loo qisaasay dilkiisa , si xaqiiqada looga soo gudbiyo arrimahan tuhunka dhaliyey.
 

 

 

 

Xigasho Ahlusunna.org