Shacabka Kismaayo oo ka cabanaya dhibaatooyin ba’an oo ay ku hayaan Khawaarijta Al-shabaab

Shacabka ku nool magaalada Kismaayo ee xarunta Jubbada Hoose ayaa ka cabanaya dhibaatooyin ba’an oo ay ku hayaan Ururka Khawaarijta Al-shabaab.
 
Waxay shacabka halkaas ku nool Al-shabaab kula dhaqtaa si naxariis darra ah iyagoo ciddii ay doonaanna dila kuwii ay doonaana xirxira, kuwii rabaana ku fuliyaan xukuno baadhil ah oo isugu jira; Dil, Xarig, Jir-dil iyo xukuno badan oo kale.
 
Waxay shalay halkaas ku fuliyaan Xukuno kala duwan Odayaal iyo daqowsho halkaas ku nool oo waxaysan galabsan aysan jirin, taasoo shacabkaas halkaas ku dhaqan yaab iyo amakaag ku ridey.
 
Waxay keeneen Odayashaas iyo raggaas maqaawiirta ah Fagaarahada Beerta xorriyadda oo ku taalla bartamaha Magaalada Kismaayo, iyagoo isla markii ay keeneen ku bilaabey waxa ugu yeereen “TACSIIR”, oo midkiiba ay ku garaaceen Shaabuug xoog badan ilaa 60 jeer midkiiba.
 
Waxay halkii ay ku shaabuugeynayeen ee fagaaraha ahayd isgu yeereen dadka Magaalada ku dhaqan si ay u daawadaan dhibaatada ay u geysanayaan Cuqaasha iyo Odaasha waaweyn ee da’da ah, ee aan xammili Karin garaaca ay u geysanayaan.
 
Waxaa ka mid ahaa Odayaashii iyo cuqaashii shalay halkaas lagu garaacayey kuwaan soo-socda:
 

1. Nabadoon: C/naasir Yuusufn Ciise.
 
2. Nabadoon: Cali Jimcaale Odowaa.
 
3. Nabadoon: Cali Cismaan Ducaale.
 
4. Caaqil: Max’ed Cabdi Ibraahim.
 
5. Caaqil: Cismaan Max’ud Max’ed.
 
6. Caaqil: yuusuf Max’ud C/laahi.
 
7. Caaqil: Xuseen Aadan Max’ed.
 
8. Ugaas: Saciid Daahir Faarax.
 
Odayaashii la jir-dilayey ayaa markii xukunkoodii dhammaaday lagu amrey in aysan Kismaayo isaga bixi Karin, meel kalana aadi Karin.
 
Waxaa arrintaas lagula kacay Odayaashaas waaweyn ka xumaadey dadweynaha Soomaaliyeed guud ahaan iyo dadweynaha ku nool magaalada Kismaayo gaar ahaan.
 
Waxay kaloo shacabka halkaas ku dhaqan ka walaacsan yihiin sida ay ugu noolaan lahaayeen magaalada Kismaayo, haddii dadkii Waaweynaa sidaan loola dhaqmayo oo uusan jirin wax ixtiraam ah!
 

 

 

 
Xafiiska War-qabadka Ee Mustaqiim.com
 
E-mail: mustaqiimcom@hotmail.com .