Murtadiinta Shabaab oo guluf ugu jira Burburinta Qabriga Sheekh Ooyaaye oo ah imam ay xer u noqdeen dad ka badan Hal malyan.

Khaliifeentii iyo xertii sheikh ooyaaye ma aha haddii aanay kahwaarijta eedsiin ku xad gudubka sheekhooda , waqtigay doonto ha ku qaadatee.
 
Ilo wareedyo lagu kalsoonaan karo ayaa sheegaya in khawaarijta Alshabaab ee ku sugan Magaalada Jowhar ay damacsan yihiin in ay dhulka ku la simaan Qabriga Weligii ilaaheey Sheekh Maxamed Sheekh usmaan mucallim Xil tire ( Sheekh OOYaaye Ooyaaye oo ku Magac dheeraa Sheekh Ooyaaye kuna aasan xaafada Buulo Sheekh ee bariga Magaalada Jowhar.
 
Wararka ayaa intaa ku daraya in Koox gaar ah oo Khawaarijta Shabaabka ka tirsan oo ka yimid Magaalada Kismaayo isla markaana wata Qalabkii aay wax ku burburin lahaayeen ay soo gaareen magaalada si ay uga qeyb qaataan bur burinta Qabriga Sheekh Ooyaaye oo ka mid ahaa Culumaa'udiinka ugu caansan Gobolka Shabellaha Dhexe iyo guud ahaan Soomaaliya.
 
Dadka ku dhaqan Xaafada Buulo Sheekh ayaa isu diyaarinaya olole ay ku difaacayaan qorshaha lagu bur burinayo Qabriga Sheekh Ooyaaye, waxaana Xerta Sheekh Ooyaaye sheegeen in aay ka difaacayaan Khawaarijta Qabriga Sheekhooda.
 
Magaalada Jowhar ayaa waxaa ka jira guux ku aadan qorshaha Khawarijta ee ku aadan bur burinta qabuuraha ee joogtada u aheyd mudooyinkan, kadib markii ay horay u soo bur buriyeen Qabuuro fara badan oo ay ku aasnaayeen Mashaa'iq caan ah.
 

 

 

 
Ahlusunna midia .