Codsi nooga yimi aqristayaasha boggeenn awged ayaan idiin doornay in aan idin soo gudbinno faallo kooban oo ka hadlaysa kitaabka caddaynta xaqa .
Buugga wuxuu ka hadlayaa :-

1. Taariikhda dawladihii Islaamka , laga soo billaabo xilligii Rasuulka CSWS ilaa dawladdii cusmaaniyadda iyo. heerkii shariifak ahaa ee ay gaarsiiyeen xadaaradda iyo awoodda dadyawga Islaamka.
 
2. Duwaylaadkii islaamka ka dhex samaysmay waqtigii ay burburtay dawladdii Cabbaasiyiinta welina aanay soo bixin dawladdii cusmaaniyadda, iyo guulihii ay u soo hooyeen Islaamka.
 
3. Dagaalladii caanka ahaa ee dhex maray muslimiiinta iyo gaalada , sida dagaalkii Saliibiyadda iyo Tataarta.
 
4. Dhulyawgii ballaarnaa ee dawladdii Islaamka ee cusmaaniyadu ka qabsatay waddadmada Yurub.
 
5. Taariikhda Yurub iyo kacaannadii wax ka beddeley noloshoodii ciriiriga ahayd , sida kacaankii Sahanka , kii Addoonsiga , kacaankii warshadaha , kii Imbiriyaaliyadda , kii Gumaysiga iwm.
 
6. Taaariikhda dawladaha khaliijka kuwii horu socodka ahaa iyo kuwii u adeegayey Gumaysiga iyo sidii ay u samaysmeen .
 
7. Shakhsiyaadkii gumaysatada reer yurub gacanta ku siiyey burburinta dawladdii Islaamka iyo in gaaladu qabsato waddamada muslimiinta.
 
8. Soo bixitaankii wahaabiyada laga billaabo dhalashadii maxammed Cabdul-wahaab Ilaa wahaabiyadii Maanta
 
9. Sidii wahaabiyada iyo gaalada siiba gumaysatada reer yurub ay isaga kaashadeen rididda dawladdii Islaamka ee cusmaaniyadda iyo laynta muslimiinta.
 
10. Saddexdii marxaladood ee ay soo martay dawladii wahaabiyada iyo gumaadkii ay u geysteen Asharaafta , Culummada, madaxda , saraakiishii dawladda Islaamka .
 
11. Shirqoolladii gumaysatada reer Yurub iyo yahuuddu ay ku qabsadeen , Quddus oo la siiyey Yahuudda , Xaruntii Islaamka ee Istanbuul ( Turki ) oo loo dhiibay diinlaawayaashii Ataaturki, Maka iyo Madiin oo loo Dhiibay Qabiil-kii Reer Aala Sacuud, Lagana Qaaday Asharafta ( Aalu Baytkii Rasuulka CSWS. Sida mu,aamaradii lagu diyaariyey Qawmiyatul-carab , mu'aamaradii Balkaan, kii Balfoor , kii daarayn , kii Caqiir , kii Seefris iyo kuwii la midka ahaa.
 
Waxaan ugu tala galnay buuggaan.
 
· In uu sare u qaado aqoonta akhrisayaasha ee dhinaca Diinka , Cilmiga bulshada , taariikhda iyo siyasada.
 
· In aqristuhu xog ogaal ka noqdo istiraatiijiyadii caalamka ee diyaarisey marxaladda ay maanta ku noolyihiin dadyowga aduuunku yo sababihii keenay kala sarraynta dabaqada ee dhinaca maadiga.
 
Waxaa hubaal ah in fahamka buuggan uu aqristaha ka bad baadin doono shirqoollo badan oo isugu jira kuwa diin lau sheegay , kuwa horummar lagu sheegay iwm.
 

 

 

 

 

 

 

 
Qoraaga buugga.
 
SH.Cabdi Risaaq Yuusuf Aaden

 

 

 

 

 

 

 

 
.
 

 

 
Xafiiska War-qabadka Ee Mustaqiim.com
 
E-mail: mustaqiimcom@hotmail.com