Waraaqo digniin ah oo ka dhan ah Ururka Khawaarijta Xizbul Shaydaan oo lagu daadshay Magaalada Afgooye

Waraaqo Diginiin ah oo ka dhan ah Ururka Khawaarijta la baxay Xizbul Shaydaan ayaa xalay lagu daadshay Magaalada Afgooye ee Shabeelada Hoose.
 
Waraaqadahaas lagu daadshay magaalada Afgooye ayaa waxaa ku qornaa, in Khawaarijta isku Magacawda Xizbul Shaydaan ay ka mid noqdaan Al-shabaab, ama raacaan Garabka Shariif ama ay Shacab Magaalada ka mid noqdaan.
 
Waraaqahaan ayaa markiii ay arkeen Ururka Khawaarijta Xizbul Shaydaan ee ka taliya Magaalada Afgooye, ayaa waxaa isla markiiba bilaabeen in ay Shir deg-deg ah qabtaan, kaasoo ku saabsan sidii laga yeeli lahaa warqadahaan farriimaha ku qoran!
 
Sida ay sheegayaan warar xog ogaal ah, oo ay Mustaqiim ka heshey ilo ku dhaw-dhaw Khawaarijta ayaa sheegaya in ay Warqadahaas daadsheen Ururka Khawaarijta kale ee Al-shabaab, oo iyagu doonaya in ay qabsadaan Magaalada Afgooyee, kana sifeeyaan Ururka Khawaarijta Xizbul Shaydaan Shabeellada hoose oo dhan.
 
Waxaa hadana soo cusboonaanaya xiisado kale oo u dheexeeya labada Urur Ee Khawaarijta Al-shabaab iyo kan Xizbul Shaydaan, taasoo qarka hadda u saaran in ay mar kale qoryaha isku qaataan.
 
Wixii wara ee ka soo kordha wararka Khawaarijta kala soco wararka yaga dambe.

 

 

 

 
Xafiiska War-qabadka Ee Mustaqiim.com
 
E-mail: mustaqiimcom@hotmail.com