KHAWAARIJTA AL-SHABAAB OO LAGA SOO FIRXANAYO

Khawaarijta Al-shabaab ayaa waxaa bilawday gabbal dhacoodii, iyagoo maalinba maalinta ka dambeysa ay ka firxanayaan saraakiishii iyo dhallinyaradii cududda u ahayd.
 
Sida ay sheegayaan warar lagu kal soon yahay, waxaa 3dii beri ee ugu dambeysay ka fakaday magaalada Kismaayo ilaa 8 askeri oo ka tirsanaa muddo dheer Ururka Khawaarijta Al-shabaab.
 
Waxay siddeeddaas Askeri isugu jireen saraakiil sar-sare iyo dhallin-yaro, oo ka ahaa rag muhiim agtooda. Sida wararka halkaas ka imaanaya sheegayaan, waxay u fakadeen Askartaa dhanka xadka Kenya.
 
Waxaa sidoo kale, faro cidi ah ku taagan rag badan oo qorsheynaya sidii ay uga fakan lahaayeen Ururka Khawaarijta Al-shabaab, oo ay caddahay in ay yihiin rag shisheeye xukumaan, oo loo soo direy in ay Soomaaliya inta ka hartay burburiyaan.
 
Asbuucii tagey waxaa ka goystey Askeri muhiim u ahaa Khawaarjta Al-shabaab oo ku biirey garabka Shariif kaa soo sirar badan oo u qarsoonaa Khawaarijtaas fashiliyey.
 
Sidoo kale waxaa shalay haddana ka soo fakadey kuwo kale, oo sheegey in ay ka soo fakadeen Ururka Khawaarijta Al-shabaab, iyagoo sheegey in ay ku qanci waayeen Diinta ay sheeganayaan, ayna kala duwan tahay waxa ay sheeganayaan iyo sida ay u dhaqmayaan.
 
Labada wiil ayaa la kala yiraahdaa; Muuse Xassan Cumar iyo Maxamed Maxamuud Cali, oo sheegey in ay in muddo ah ku jireen Ururka Khawaarijta Al-shabaab, waxay ka sheekeeyeen sida ay u hawl-galaan iyo cidda maamusha.
 
Ururkaan ayaa u muuqda mid hadda maalinba maalinka ka dambeeya sii wiiqmaya, maaddaama ay Soomaali oo dhanna nacday, iyagiina askartoodii maalinba maalinka ka dambeeya ka firxanayaan.

 

 

 

 
Xafiiska Wararka Ee mustaqiim.com
 
E-mail: mustaqiimcom@hotmail.com