Ciidamada Culimada Ahlu-Sunna Wal-jamaaca oo Magaalada Gaalkacyo ka fuliyey hawl gallo

Ciidamada Culimada Ahlu-sunna Wal-jaamaaca ee ka arrimiya Koofurta Magaalada Gaalkacyo ee Xarunta Gobalka Mudug yaa hawl-gallo balaaran oo ay waayahan oo dhan halkaas wadeen ku soo qab-qabtay dambiila-yaal fara badan oo, halkaas qas ka wadey.
 
Ciidamada ayaa gacanta ku soo dhigey dambiilayaal badan oo isgu jirey gacan-ku-dhiiglayaal, tuugo, burcad, is-baralay iyo Khawaarij qas iyo dhibaato ku hayey qaybta Koofureed ee Magaalada Gaalkacyo.
 
Ciidamda Culimada ayaa intii aysan hawl-galkaan qaadin ka hor iclaamiyey in ay hawl-galkaas fulin doonaan ka dib markii loo caal waayey qas-wadeyaasha caadeystey in khal-khal geliyaan Ammaanka Magaalada Gaalkacyo.
 
Intii ay Ciidamda Ahlu-sunna Wal-jamaaca ku guda jireen hawl-galladaas Amni sugidda ayaa waxaa taageerayey Shacabka Magaalada oo Ciidamada u tilmaamayey meesha ay ku jiraan qas-wadeyaasha iyo meelaha ay ku gabbanayaan.
 
Hawl-galladaas ayaa waxaa soo dhaweeyey Shacabka Magaalada Gaalkacyo, waxayna u mahad-celiyeen Ciidamada Culimada Ahlu-sunna Wal-jamaaca, iyagoo ka codsadey in aysan Culimadu u dulqaadan dadka falalka amni-darada ah ka wada Magaalada Dhexdeeda.
 
Ma ahan markii ugu horreysay ee ay Ciidamada Culimada Ahlu-sunna Wal-jamaaca ay qaadaan hawl-gallo noocaan oo kale, waxay hawl-galladaan oo kale siyabo kala duwan horey uga fuliyeen dhammeen deeganada hoostaga Maamulka Culimada Ahlu-sunna Wal-jaamaca.

 

 

 

 
Xafiiska War-qabadka Ee Mustaqiim.com
 
E-mail: mustaqiimcom@hotmail.com