Minnesota oo dacwad lagu soo oogay nin loo haysto in uu ka danbeeyay dhoofintii ciyaalkii ku biiray Khawaarijta Alshabaab

Maxkamada federaalka ee wadanka maraykanka ayaa waxaa ay maanta dacwad ku soo oogtay cumar cabdi oo ahaa nin kii ka dambeeyay dhoofinta iyo kula talinta lix dhallinyaro soomaaliyeed ee maskaxda laga qalday waxaana dhalinyaradaas ka mid ahaa shirwac axmed oo isku miidaamiyay waqooyiga soomaaliya bishii Octobar ee sanadkii hore.
 
Ninkaan ayaa waxaa uu ka mid yahay dadka sida ba’an maskaxda uga xada dhalinyarada soomaalliyeed ee qurbo joogta ah islamarkaasna waxyaabaha qaldan ee ay samaynayaan saxda uga dhiga waxaa cumar iyo rag la shaqeeyaba ay si bilaa naxariis ah uga ganacasadaan dhalinyarada soomaaliyeed ee inta badan aan lahayn aqli ku filan.
 
Masjidka Abuubakar ee ku yaala magaalada Minnesota ayaa waxaa uu yahay goobta kaliya ee sida aadka ah looga diro dhalinyarada da’da yar kuwasoo dhibaato u geeysta shacabka soomaaliyeed, sidoo kalena waxaa ay ku halligaan naftooda iyagoo isqarxiya waana su;aasha inta badan dadku isweeydiiyo sida qof sheeganaya in uu yahay muslim uu iskugu qarxinaya qof kale oo muslim ah waxaana filayaa midaasi in ay tahay istaraatiijiyo dagaal ee aysan ahayn arin huwan diin iyo caqiido toona.
 
Cumar cabdi ayaa waxaa uu noqonayaa ninkii 7-aad ee sidan oo kale lagu soo eedeeyo ka gacansiga dhalinyarada soomaaliyeed ee aan wali yeelan aqli ku fulin ee ay ku kala gartaan saxda iyo qaladka.
 
Sikastaba ahaatee istaraaijiyada dagaal ee wahaabiyada iyo midooda gacansi ayaa waxaa ay maalinba u adeegsadaan habab casri ah sida ka ganacsiga wiilasha yar yar ee loo dirayo soomaaliya ka dibna inta jirkooda oo dhan lagu xiro bumbooyin la amrayo in uu isqarxiyo, hadii ay run ka tahay amaba jano lagu tagayo maxaa loo arki waayay raga waaweeyn sida Rooboow Abuu masnuur, Xasan daahir aweys iyo Cali dheere may is miidaamiyaan iyaga oo hadba diraya wiilal yar yar oo ay daroogo siiyeen

 

 

 
Xafiiska War-qabadka Ee Mustaqiim.com
 
Minnesota, U.S.A
 
E-mail: mustaqiimcom@hotmail.com