Ciidamada Ahlu-sunna Wal-ajaamca oo hawl gal ay ka samaynayeen Gobolada dhexe ku so qabtay rag sitay Waxyaalaha qarxa Saxaafadana usoo bandhigay

Maamulka Ahlu-sunna Wal-ajaamca ee ka arrimiya Magaalada Guriceel ayaa maanta hawl-gal ay samaynayeen ciidamada Taabacsan Culimada waxay ku soo qabqabteen rag maleegayey walaxa qarxa.
 
Ciidamada Ahlu-sunna Wal-jamaaca ayaa markii ay hawl-galkaan qaadayeen waxay horey u sii hayeen warar xog ogaal ah oo ay ka heleen raggaas iyo waxyaabaha qarxa oo ay la maaganaayeen Shacabka ku nool Magaalada Guriceel ee Gobalka Galguduud.
 
Madaxa Amniga ee u qaabilsan Culimada Ahlu-sunna Magaalada Guriceel ayaa sheegey in raggaas la qabtey ay qorsheynayeen Qarax ayana haysteen Bumbada gacanta laga tuuro.
 
Waxaa la aaminsan yahay in raggaas la qabtey ay ka dambeeyeen Khawaarijta oo waayadan oo dhan ku mashquulsanaa sidii ay u khal-khal gelin lahaayeen amniga Magaalooyinka ay maamulaan Culimada Ahlu-sunna Wal-jamaaca iyo Shacabka deegaanadaasba.
 
Ciidamada Aminga ee Culimada Ahlu-sunna Wal-jaamaca ayaa iyaga oo arrintaas ka shidaalqaadanaya adkeeyey amniga Gobalada dhexe, har iyo hamiina u taagan difaaca iyo sugidda amniga Gobalada dhexe.
 
Maamulka Culimada ayaa sheegey in raggaas la qabtey ay hor geyn doonaan caddaaladda Magaalada Guriceel, lana waafajin doono sharciga iyo qaanuunka Maxkamadda Culimada Ahlu-sunna Wal-ajaamaca ee Dagmada Guriceel.

 

 

 
Xafiiska War-qabadka Ee Mustaqiim.com
 
E-mail: mustaqiimcom@hotmail.com