Maamulka Culumaa'udiinka Ahlu-sunna Wal-jamaacah oo Munaasabadda Ciidul-Adxada hambalyo u diraya Shacabka Soomaaliyeed

Afhayeenka Culimada Ahlu-sunna Wal-jamaaca ee goballada dhexe Sheekh C/risaaq Maxamed Cali Mire “Al-Ashcari” ayaa Musaabadda Ciidul-adxada darteed Hambalyo u diraya dhammaan Shacabka Soomaaliyeed meel kasta oo ay ku nool yihiin.
 
Shiikh C/risaaq Al-ashcari ayaa Munaasabadda maalinta barakeysan hambalyo iyo bogaadin diirran u diraya Ummad-weynta Soomaaliyeed, isagoo shiikhu dhan kalana ugu duceeyey dhammaan Shacabka Soomaaliyeed in uu Ilaahay ka dul-qaado Colaadaha iyo Abaaraha daashaday Shacabka Soomaaliyeed.
 
Wuxuu kaloo Shiikhu Alle ka baryey in uu Cadawga Soomaaliya ku soo duuley ka qabto Ummadda Soomaaliyeed ee masaakiinta ah.
 
Wuxuu shiikhu sidoo kale Alle ka baryey in uu Ummadda Soomaaliyeed iyo guud ahaan Ummadda Muslimiinta ka aqbalo cibaadaadkooda, sannadkaan kiise kalana ku gaarsiiyo Horumar, Nabad, Barwaaqo iyo caddaalad.
 
Shiikh C/risaaq ayaa ka codsadey dhammaan shacabka Soomaaliyeed in ay u guntadaan sidii nabad waarta waddanka loogu soo dabaali lahaa, loogana difaaci lahaa cadawga Soomaaliyeed ee u soo guntadey in ay waddanka Soomaaliya qasaan.

 

 

 
ISHA: Xafiiska War-faafinta ee Maamulka Ahlu-sunna Wal-jamaaca ee goballada dhexe.
 
mustaqiimcom@hotmail.com