Khawaarijta Al-shabaab oo hal god oo weyn u qodey Maydadkoodii shalay kuna aasey maanta halkaas

28 01 2010
Sida ay sheegayaan warar aan ka helnay Deegaanka Wabxo, waxay Khawaarijta Al-shabaab maanta u qoddey god weyn Maydad aad u badan oo naftoodii ku waayey dagaalkii ay la galeen Ciidamada Daacadda u ah Ahlu-sunna Wal-jamaaca.
 
War-baahinta Mustaqiim ayaa waxaa la soo xiriirey maanta nin ku sugan deegaanka Wabxo oo ay ku sugan yihiin Khawaarijtu hadda, ninkaas ayaa codsadey in magiciisa la qariyo sababo la xiriira ammaankiisa, maaddaama uu ku sugan hadda deegananka Wabxo oo ay joogaan Khawaarijtu.
 
Ninkaan oo la soo xiriirey Shabakadda War-baahinta Mustaqiim ayaa sheegey in uu maanta in dhihiisa ku arkey Maydad 70tameeyo ka badan -sida uu qiyaasey- oo hal god oo weyn inta loo qadey hal mar lagu shubey.
 
Mar aan wax ka waydiinnay sababta Xabaalo ay ugu samayn waayeen ayuu ninkaas ku jawaabey in ay Maydadku badan yihiin, ayna ku cuslootey in ay nin walba u sameeyaan god gaar ah.
 
Wuxuu kaloo ninkaas nala soo xiriirey uu sheegey in ay jirto cabsi xooggan oo ay Khawaarijtu ka qabaan in ay Ciidamada Ahlu-sunna Wal-jamaaca weerar ku soo qadaan dabadeedna ay Maydadkaas sawirka ka qaataan.
 
Wuxuu sheegey in Maleeshiyada Khawaarijta ay wajiyadooda ka muuqatey murugo aad u weyn, ayna ka soo gaareen jab iyo halaag Dagaalladii shalay ku dhex marey iyaga iyo Xoogagga Ahlu-sunna Wal-jamaaca War-xoolo iyo Cawsweyn.
 
Wixii warar ee soo kordha kala soco wararka yaga dambe.

Xafiiska War-qabadka Ee Mustaqiim
Wabxo, Galguduud.,
E-mail: mustaqiimcom@hotmail.com