Ehelada xasan daahir oo caddeeysey caafimaad darradii saxaafadu ka faafiyeen xasan daahir aweys.

29 01 2010
Usbuucaan gudihiisa ayay saxaafadda soomaalidu hadal hayeen in uu aad u liito caafimaadka xasan daahir aweys .
 
Baaris ay sameysay shabakada ahlusunna.org ayay qaar ka mid ah ehelada xasan daahir u xaqiijiyeen in ay runtahay caafmaad darrida soo wajahday dilaa sare Xasan daahir aweys.
 
Awes ayaa mudda ka badan labaatan sano soomaaliya ka wadey dagaallo lagu hoobtay oo uu si been abuur ah ugu sheegayey dagaalla diineed .
 
Hadallada aadka uga fog diinta Islamka ee xasan daahir ku hadlay laguna xasuusto ayaa waxaa ka mid ahaa in uu yiri :
 
Dagaallada aan wadno wey bannaanyihiin oo jannada ayaa lagu gelayaa , laakiin dagaalka aan bannaanayn ee fitnada ah waa dagaalkii ay galeen asaxaabtii uu hoggaaminayey Cali Ibnu abii Daalib RC.
 
Naxariis darrada xasan daahir ayaa iyadana lagu xasuustaa markii uu idaacadaha ka yiri : dadku dawlad uma baahna weyna ka raysteen .
 
Hadalkan oo ah mid naxdin ku noqday shacabka tabaalaysan ayaa waxaa ka sii argagax badnaa markii uu yiri : “ dawlad la’aanta waa laga faa;iiday , wax kastana hour mar ayaa laga gaaray , fiiriya ganacsiga , isgarsiinnada iwm .”
 
kaas waa hadalladii xadan dahir awes oo ay ka muuqato in wax jixinjix ah aanu u hayn shacabka ku baaba’aya colaadaha iyo dhibaatada ay dawlad la’aantu keentay , laakiin uu ku faraxsanyahay hantida faraha badan ee ay haystaan dhiig miiratada ka taajirtay dhiigga ummadda.
 
Waxaa la rumaysanyahay in Xasan daahir ay dhaawacyo ka soo gaareen dagaallo uu gobollada dhexe kula galay xoogagga ahlu sunna wal jamaaca ; tan iyo wixii dhaawacyadaas ka danbeeyeyna mar danbe xasan daahir isma soo tarin caafimaadkiisu , mana gelin wax danbe oo dagaal ah.
 
Wararka ay saxaafadaha qaar ka qoreen odaygan dagaal oogaha ah ee ka been sheega diinta uu sida khaldan ugu qaraabto ayaa waxay ciwaan uga dhigeen :
 
“ xasan daahir oo ay liidato xaaladdiisa caafimaad iyo middiisa siyaasadeed “
 
Waxaana hadalladii ay ka yiraahdeen oo rumaynaya kuwa ka soo yeeray eheladisa ka mid ahaa :
 
“Warar lagu kalsoonyahay oo laga helayo ilo muhiim ah oo ka ag dhow Hogaamiyaha Xisbul islaan Xasan Daahir Aweys ayaa tibaaxaya in baryahan dambe ay liidatay xaaladiisa caafimaad.
 
Xogtan ayaa tilmaameysa in Aweys mudadii u dambeysay uu la il darnaa xanuun xaga Bogga ah ayadoo baaritaano hordhac ah ay sheegeen in uu ku xumaaday xanuunka loo yaqaano Gaastariiga, taasoo ay usii dheertahay xanuuno dhinaca neerfaha ah mararka qaarna lagu arko carro saaid ah oo aan horay looga baran.
 
Xanuunadan ayaa keensaday in Xasan Daahir Aweys laga waayo goobaha lagu arki jiray oo uu asxaabtiisa kula kulmi jiray.
 
Sidoo kale , dadka ku nool Deegaannada loo Bara kacay ee Ceelasha Biyaha oo uu aweys ku dhex noolyahay ayaa tabay maqnaanshahiisa kadib markii ay ka waayeen Jimcaha iyo Jamaacada oo uu marmar soo xaadiri jiray.
 
Xanuunkan ayaa u dheer mid kale oo dhanka siyaasada ah ayadoo la ogsoonyahay in Aweys uu saxaafada ka gaabsaday taasoo lala xiriirinayo xanuunka haatan haya iyo Siyaasada Xisbul islaa oo dhulka sii gashay.
 
Xisbul islaam ayaa gabi ahaanba laga sifeeyay Jubbooyinka, haatana lagu heystaa Gobolka Hiiraan, waxaa kale oo fashilmay qorshe Aweys uu kaga mid noqon lahaa Al-Shabaab, arrimahaas iyo kuwa kale oo Masraxa siyaasada ka sii saaraya Xisbul islaan, Mugdina sii galiyey Mustaqbalka xasan Aweys.
 
Hadii Aweys ka bogsado xanuunka haya ayaa la garaneyn sida uu uga bogsan doono kan xaga siyaasada ah, waxaana dhici karta in uu saxaafada u waramo hadii uu qaato isbedel wanaagsan oo xaga siyaasada ah ama Xisbul islaan gaaro horumar iyo guulo la taaban karo ama Horjoogayaasha Al-Shabaab ay siiyaan Barnaamij uu kaga mid noqon karo ururkooda kuna qanci karo.
 
Kooxda Al-Shabaab ayaa gacan ku gabad aheyd kahor intii uusan Aweys ka soo laaban Eretariya waana kooxda iminka qatarta ku ah damaca x. Aweys iyo jiritaanka Xisbul islaan.
 
Si kastaba ha ahaatee waxay u badantahay in uu dhacay gabbalkii dilaa sare xasan d. aweys maadaama ay isugu darsantay dhaawac , xanuun , niyad jab siyaasadeed iyo Rabbi oo ballan qaaday in aanu sii daynen daalimka marka uu qabto.
 

Ahlusunna.org