Faah Faahin Doorashadii madaxda Fulinta Ahlu sunna wal -jamaaca ee bartamaha soomaaliya iyo marxaladihii ay soo martay

29 01 2010
Goddoomiyihii Golaha Talada Ahlu –Sunna Wal-Jamaaca ee bartamaha Soomaaliya Ambasator Cumar C/Qaadir oo guddoominayey hadallana ka soo jeediyey.
 
Shirkii Culimaa’udiinka Soomaaliyeed ee Ahlu-sunna Wal-jamaaca ugu qabsoomay magaalada Cabud waaq ee Gobolka Gal Guduud 1-da jan 210 , waxaa lagu doortay guddoomiyihii golaha dhexe ee ahlu sunna wal jamaaca ee maamulka bartamaha Soomaaliya iyo laba guddoomiye xigeen . waxayna kala ahaayeen :
 

1- Ambassador Cumar C/Qaadir Aadan Guddoomiye
 
2- C/llahi Cabdi Muxammad kuxigeenka 1aad
 
3- Cali cumar Xareed ku xigeenka 3-aad
 
Sida uu qoray hishiis nidaameedka Shir weynaha Ahlu sunna waljamaaca ee magaalada Caabud waaaq golahan wuxuu awood u leeyahay in uu soo doorte Guddoomiyaha Fulinta iyo labadiisa Guddoomiye xigeen.
 
Haddaba golhan isaga oo fulinaya masuuliyadda culus ee dusha laga saaray , isaga oo tix gelinaya baahida loo qabo maamul hufan oo loo sameeyo u halgamayaasha xornimada Soomaaliya , iyaga oo maanka lagu hayo marxaladda adag ee dalku ku suganyihiin waxay maanta soo doorteen Guddoomiyihii Golaha fulinta iyo labadiisii ku xigeen.
 
Doorashadan oo ka dhacday magaalada Gurceel waxaa lagu fuliyey shir ay golaha taladu u fadhiyeen saddexdii maalmood ee la soo dhaafay waxaana shir guddoominayey Guddoomiyaha golaha dhexe Ambassador Cumar C/Qaadir Aadan .
 
Guddoomiyaha Waxa uu ku dhawaaqay shirku uu guda galay xilligii doorashada ; ayna codka doorashada bixinayey 31-xubnood oo ah Golaha dhexe ee Maamulka Culumaa’udiinka Ahlu Sunna Waljamaaca .
 
Waxana uu sheegay in xubnaha goluhu ay u codeenayay sidii ay u kala dooran lahaayeen 3 Musharax oo kala ah Maxamed Yuusuf Xeefow, Cumar Cali Rooble iyo Maxamed Maxamuud Yuusuf ( Aw Libaax ).
 
Guddoomiyaha ayaa ugu danbeeyntii shaaciyey in doorashadii ay ku dhammaaday si habsami leh oo Alle loogu xaamdiyo ; lana doortay masuuliyiinta kala ah :
 

1- Maxamed Yuusuf Xeefow Guddoomiye
 
2- Cumar Cali Rooble G/Xigeenka 1aad
 
3- Maxamed Maxuud Yuusuf G/Xigeenka 2aad
 

Halkaan ka dhagayso Gudoomiya Cusub ee gudiga fulinta

 
Intaasi kadib waxaa Saxaafada la hadlay gudoomiyaha cusub ee maanta loo doortay golaha fulinta Maxamed Yuusuf Xeefow isagoona ; waxana uu sheegay in aan jago iyo xil qaadasho aysan muhimmaddu ahayn balase loo baahanyahay sidii looga soo dahlaali lahaa hawsha culus ee na hortaalla.
 
Guddoomiyaha cusub ayaa sheegay in sida ugu dhaqsiyaha badan loo soo dhammaystiri doono xubnaha ka dhimman golaha fulinta haddii uu oggolaado Allaha awoodda leh.
 
Culammaa’udiinka Soomaaliyeed ee ahlu sunna wal-jamaaca ayaa maamulkan cusub Ilaahay uga baryeyaa in Rabbi uu ku guuleeyo masuuliyaddan culayska badan.
 

Ahlu sunna media