Khawaarijta Al-shabaab oo Iskuulaadka Meelaha ay haystaan ku amartey in ay suraan Calanka Madaw

29 01 2010
Khawaarijta Al-shabaab ayaa waayahaan oo dhan wadey in ay ku soo rogaan meelaha ay ku amar-ku-taagleeyaan in ay ku soo rogaan awaamiir ay ugu muhiim sanayd in meel walba laga mudo Calankooda madaw.
 
Waxay Iskuul kasta oo ku yaal meelaha ay haystaan ku amreen in ay suraan Calanka Madaw dajiyaanna kan Baluugga ah, oo astaanta u ahaa waddanka Soomaaliya.
 
Waxay ilaa shalay gebi ahaamba ka mudeen Calanka Madaw Madraso Kasta oo ku taal Magaalada Kismaayo ee Xarunta Jubbada Hoose, waxay sidoo kale maanta ka wada mudeen Magaalda Marka ee Xarunta Shabeellada Hoose.
 
Waxay sidoo kale wadaan in ay ka mudaan Meel walba oo muhiim ah oo uu ka mudnaa Calankii Soomaaliya, taasoo muujinaysa in aysan Khawaarijtu ahayn Soomaali ee ay Ummad kale yihiin.
 
Shacabka Soomaaliyeed ayaa arrintaas u arka arrin la yaableh, maaddaama Calankii Soomaaliya la doonayo in gebi ahaanba laga takhaluso, oo la buun-buuninayo Calanno kale oo laga keeney waddamo Kale oo Shisheeye.
 
Arrinkaan ay Khawaarijtu ku kacayso ayaa u muuqda arrin ay ku doonayaan in ay ku baabi’yaan jiritaanka Soomaaliya oo dhan, iyadoo maalinba maalinta ka dambeysa ku kacaya arrin fool xun oo caqabad ku ah jiritaanka Soomaaliya.
 

Xafiiska War-qabadka Ee Mustaqiim
 
E-mail: mustaqiimcom@hotmail.com