Ciidamada Ahlu-sunna Wal-jamaaca oo wada Qorshe ballaaran oo Khawaarijta Waddanka Gebi ahaantiisa looga saarayo

30 01 2010
Ciidamada Milateriga Ahlu-sunna Wal-jamaaca ayaa wada qorshe ay ku doonayaan in xididada logu siibo Khawaarijta, loogana sifeeyo waddanka gudihaasa sida ugu dhaqasaha badan ugana macquulsan.
 
Sidoo kale Ciidamada Ahlu-sunna Wal-jamaaca ayaa wada qorshe ballaaran oo lagu doonayo in Khawaarijta laga soo weeraro meelo badan oo waddanka Gudihiisa ah.
 
Waxay Ciidamad Ahlu-sunna Wal-jamaaca doonayaan in ay Khawaarijta hal mar weerar loga soo qaado Hiiraan, Bay iyo Bakool, Gedo iyo Jubbada Hoose si saf mar ah, si markaas hal mar Khawaarijta cadaadis dagaal meel walba looga saaro, dabadeedna waddanka looga sifeeyo.
 
Sida ay sheegayaan wararka ka imaanaya Ciidamada ahlu-sunna Wal-jamaaca waxaa la filayaa horraanta Asbuucyada soo-socda in lagu dhaqaaqo arrintaas fulinteeda, iyadoo la filayo in weerar lagu soo qaado Bay iyo Bakool iyo Gedo, oo hal saf ah, iyadoo dhanka kale Goballada dhexana Weerar looga so qaadayo, waxaa sidoo kale weerar lixaad leh looga soo qaadayaa dhankaas iyo Jubbada Hoose.
 
Qorshahaan ayaa waxaa la filayaa in uu fududeyn doono rujinta xididada Khawaarijta oo dhibaato badan ku haya Ummadda Soomaaliyeed iyo weliba Dalka Soomaaliyeed.
 

Xafiiska War-qabadka Ee Mustaqiim
E-mail: mustaqiimcom@hotmail.com