Shabaabku yey uga daysadeen falalka ay sameynayaan. { Qabsashadii Wahaabiyada ee Maka 1218H - 1803M}.

31 01 2010
• Waxaan qoraalladeennii hore ku soo ogaannay in sheekha wahaabiayda Med C/wahaab uu amray wahaabiyadiisii in muslimiinta loo aqoonsado gaalo , lagu na jihaadayo.
 
• Waxaan soo ogaannay in ay laayeen muslimiintii degganayd Riyaad , wixii ka baxsadayna ay firxdkoodii jidka ku laynayeen.
 
• Waxaan soo ogaannay in ay dhaceen ganiimana ku sheegeen hantida muslimiintii ay laayeen iyo kuwii ay qabsadeen magaalooyinkooda.
 
• Waxaan soo ogannay in hantidii ay bililiqaysteen ay ku jirtey Kitaabbada Quraanka iyo goglaha masaajidda ;
 
Xadgudub yadaas naxdinta leh ee aan taariikhda horey loogu arag ayey ku sheegeen kitaabbadooda , oo waa xaqiiqo aan u baahnayn caddaymo kale.
 
Dhibaato arrimahaas oo dhan ka daran waxay sameeyeen wahaabiyadu markii ay xoog ku qabsadeen Magaalooyinkii barakaysanaa ee maka iyo madiina , dadkee degganaana ay ka dhigeen qaar dhintay iyo kuwa silac ku noolaaday.
 
Wahaabiayda oo qiratay kitaabbadeedana ku qoratay tacaddiyadii iyo baabi'intii naxdinta lahayd ee ay u gaysteen Muslimiintii degganayd Magaalada MAKA- Almukarramah.
 
Kitaabka ay wahaabiaydu aadka ugu kalsoonyihiin ee Cunwaaanul-majdi, juska I-aad, bogga 135, waxay ku sheegeen wahaabiyadu “inay go’doomiyeen magaalada Makah ayna Muslimintii degganeyd gaarsiiyeen heer ay cunaan hilibka Eeyaha, Dameeraha, Baqtiga Xoolaha iyo Bahalladana , lagu kala iibsaday lacago aad u fara badan”.
 
Sida ku ay ku qoreen isla kitaabkooda Cunwaanul Majdi juska 1aad bogga 124 Tacaddiyo iyo dhibaatooyin kuwaas ka xun ayey wahaabiyadu u eysteen Muslimiintii reer makah ka dib markii ay qabsadeen magaalada 1218-kii Hijriyada oo ku beegan 1813 Miilaadiya.
 
Waxay laayeen Asharaaftii iyo culammadoodii caalimiinta ahaa , waxay dun dumiyeen mawdacyadii saalixiinta qubuurihiina way qufteen waxayna qubuurihii asaxaabta ku magacaabeen asnaam .
 
Dhibaato intaas ka badan waxay u geysteen muslimiintii degganayd magaalada barakaysan ee Madiina Al munawarah. Ka dib markii ay qabsadeen Madiina 122o hijriya oo ku beegan 1805 miladiya.
 
Dagaalkii ay wahaabiaydu ku qabsadeen maka iyo madiina waxay ku magacaabeen Fatxu Maka iyo Fatxu Madiina!!! , oo macneheedu yahay furashadii Maka iyo Madiina.
 
Furasha waxaa la yiraahdaa magaalooyinka gaalada laga qabdsado laakiin wahaabiyadu magaalooyinkii ay muslimiinta ka qabsadeen ayey ku magacaabaan furasho , maadaama ay gaalo u yaqaaniin dadka aan aamminsanayn fikraddooda.
 
Haddaba su'aashu waxay tahay shabaabka ka dagaallama Soomaaliya ma gaysteen dhibaatada iyo tacaddiyada ay ardadii maxammed C/wahaab u geysteen Magaalooyinkii maka iyo madiina ?.
 
Magaalooyinkii ay qabsadeen shabaabku ma ku qasbeen in ay cunaan hilibka eeyaha , dameeraha iyo bakhtiga xoolaha, intii soo hartayna ma laayeen , sidii ay sameeyeen maxammed cabdul wahaab iyo ardadiisu.
 
Sow ma cadda in shabaabku fuliyeen dhaqankii wahaabiayda ee diinta looga dhigay oo ay raaceen Maxammed C/Wahaab; welibana aanay wada fulin falalkii bahalnimada ahaa ee ay sameeyeen Maxammed C/wahaab iyo ardadiisu.
 
Sow xaq darro ma aha in si gaar ah loo eedeeyo shabaabka iyadoo aan la eedeyneyn waddaadadii baray fikradda wahaabiyada ee takfiirka ah .
 
Sow xaqiiqa ma aha taariikhda wahaabiyaana kuma cadda in dilalka , gawraca iyo tacaddiyada shabaabku gaysanayaan ay ka masuul yihiin waddadada faafiya wahaabiaynimada . Kuwa duuba cajaladaha faraha badan , kuwa maal geliya iyo kuwa aqriya kutubta takfiirka wahaabiyada ee dilaaga ah.
 
Dadka soomaaliyeed gaar ahaan kuwa ku nool YUrub , Ameerika , Ostareliya soow lama gudboona in ay iska joojiyaan dhegaysiga cajaladaha aadka loo maal geliyey ee ay duubeen wahaabiayda , iyo in aanay taageerin shirarkooda , shirkadohooda , kana fogaadaan wax kasta oo suura gal ka dhigi kara in wahaabiyannimadu sii faafto
 

Ahlu sunna media