Ciidamada Ahlu-sunna Wal-jamaaca oo tijaabiyey awoodda Khawaarijta Gedo iyo weeraro la filayo in lagu qaado Khawaarijta Gedo iyo Bay iyo Bakool

31 01 2010
Ka dib qorshe ballaaran oo waayadaan oo dhan wadeen Saraakiisha sar-sare ee Ciidamda Ahlu-sunna Wal-jamaaca, ayaa waxaa tijaabadii ugu horreysay shalay laga sameeyey Magaalada Baladxaawo ee Gobalka Gedo.
 
Sida ay sheegayaan wararka ka imaanaya Ciidamada Sirdoonka Ahlu-sunna Wal-jamaaca, waxaa wiiqmay awoodda Khawaarjta Al-shabaab, ka dib markii ay kala kulmeen cadaadis badan Shacabka Soomaaliyeed, taasoo u keentey in ay la daagaalami waayaan Shacabka Soomaaliyeed dhammaantiis.
 
Waxay bilaabeen in ay Khawaarijtu meeshii Dagaal ku qabsadaba ay waxay Malleeshiyo hayaan isugu geeyaan, taasoo sida la og yahay ay Maleeshiyadoodii ay isugu geeyeen Goablka Hiiraan, halkaas oo in badan oo ka mid ah looga laayey.
 
Shalay ayey Ciidamada Ahlu-sunna Wal-jamaaca tijaabiyeen warar hoose oo uu Sirdoonka Ciidamada Ahlu-sunna Wal-jamaaca soo tabiyey, oo ahayd in ay Khawaarijtu Cududooda Maleeshiyo isugu keeneen Gobalka Hiiraan.
 
Shalay ayaa Ciidamada Ahlu-sunna Wal-jamaaca weerar ku qaadeen Sal-dhigyada Booliiska Magaalada Balad-xaawo, halkaas oo intii Khawaarij joogtey lagu laayey.
 
Ciidamada Milateriga Ahlu-sunna Wal-jamaaca ayaan u gelin Magaalada Baladxaawo ee Gobalka Gedo in ay qabsadaan ee waxay u galeen in ay tijaabiyaan in ay Khawaarijtu awoodoodii ay hal meel isugu geeyeen taasoo shalay dhabowday.
 
Hadda ayaa Ciidamada Ahlu-sunna Wal-jamaaca doonayaan in ay weerar ba’an ku ekeeyaan dhammaan goballada Gedo iyo Bay iyo Bakool, si markaas looga faa’iideysto Khawaarijta oo hadda mareysa meesha ugu xumayd abid.
 

Xafiiska War-qabadka Ee Mustaqiim
E-mail: mustaqiimcom@hotmail.com