Qaatilka weyn ee khawaarijta qarniga , dilaa sare Xasan daahir aways oo baroor afka labadii yeeriyey

3 02 2010
Qaatilka weyn ee khawaarijta qarniga , dilaa sare Xasan daahir aways ayaa si rasmi ah shaaca uga qaaday in saraakiil ka tirsan Xizbigiisa oo uu ku jiro ku xigeenkiisii Xasan Turki ay ku biireen Khawaarijta Al-Shabaab, isagoo ku eedeeyey Shabaabka in ay jebiyeen ballamo ay horay u galeen.
 
"Bayaanka ka soo baxay Baydhabo shaqsiyaad ayaa ku biiray, waliba waxay ahaayeen dad horay uga baxay Xizbiga, marka waxaan caddeyneynaa in aan hadalkaas lagu kadsoomin" ayuu yiri gacan ku dhiigle Xasan Dahir oo wel wel badani ka muuqday.
 
" Anaga iyo walaalaha Shabaab waxaan ku ballanay inaan la kala wadan ciidammada, laakiin waxaa inoo muuqata in ballantii ay jebiyeen oo ay bililaqo sameeyeen" ayuu mar kale kale ku baroortay , dilaaga oo ay muuqato in uu soo gaaray xilligii isaga la dili lahaa .
 
Xasan daahir ayaa hadda ka hor ku guul darreystey inuu ku biiro kooxda shabaabka , waxayna hadda shababku isla dhex marayaan in odayga hadalkiisu batay uuna mudanyahay in loo soo dedejiyo halaaggiisa.
 

Ahlusunna.org