Xijaab ku sheeg gaar ah oo ay Al-shabaab ka Ganacsato ayay ku soo rogtey meelaha ay ka taliso

3 02 2010
Khawaarijta Al-shabaab ayaa wax alle iyo wixii ay ka gacansadaanba in ay meelaha ay xukumeen ku soo rogaan, si ay dad-weynuhu u isticmaalaan iyaguna uga faa’iidaan.
 
Waayo dhaweyd ayaa waxaa socday Maryo ka duwan kuwii horey ay u istcmaali jireen oo ay waddanka Soo geliyeen, Maryahaas ayaa ka samaysan maro qaali ah oo aad u adag, oo ah isku joog, wuxuu kaloo wataa Sharabaadyo iyo gacmo gashi iyo niqaab.
 
Waxay ku soo geliyeen waddanka qiime qaali ah oo ilaa $55 ah xabbaddii, taasoo qofkii aan iibsan uu la kulmayo ciqaab adag. Jalbaab ku sheegaas ayaa iibsigiisu ku adkaadey dhammaan Shacabka Soomaaliyeed oo markii horeba la’aa waxay cunaan.
 
Waxaad Maradaan ay ku sheegeen Al-shabaabku Jalbaab aad ku arkeysaa dukaan kasta Magaalooyinka ay haystaan, iyadoo Dumarkii aanan qaadan La jeedalayo, taasoo keentey in badan oo Dumarka Reer Kismaayo iyo Reer Jawhar ah in lagu garaacey ka dib markii ay qaadan waayeen Maradaan oo ay awoodi waayeen.
 
Maradaan ayaa Ganacsatada Al-shabaabku waxay ka keeneen waddanka dibaddiisa, waxayna ugu tala-galeen in ay kaga faa’iideystaan meelaha ay xukumaan.
 
Sida ay sheegayaan dadka u kuur-galay Maryahaas, waxay Khawaarjtu ka soo gasha lacag aad iyo aad u fara-badan, taasoo ay ku daboolaan wax alle iyo wixii dhanka Milateri ay uga baahan yihiin
 
Waxaa arrintaan aad uga xumaadey Shacabka Soomaaliyeed ee ay Khawaarijta Al-shabab mar walba sun-dulle uga dhigeyso arrimo iyaga u gaar ah oo ay ka ganacsanayaan.
 
Arrintaas ayaa dhibaato kale Shacabka Soomaaliyeed ku noqonaysa maaddaama ay horey dhibaatooyin badan ugu hayeen oo dhanka noloshaha iyo dhanka ammaan ahba.
 

Xafiiska War-qabadka Ee Mustaqiim
E-mail: mustaqiimcom@hotmail.com