Al-shabaab oo qiratey in ay Argagixiso Caalami ah yihiin

5 02 2010
Khawaarijta Al-shabaab ayaa shaaca ka qaaddey in yihiin Argagixiso Caalami ah oo ay Khatar galinayaan dhammaan Ummadaha adduunka ha ahadeen Waddamada Muslimka ah iyo kuwa aan Muslimka ahaynba.
 
Khawaarijta Al-shabaab ayeysan u kala soocnayn Muslimiinta iyo Gaalada iyagoo u arkaya in iyaga waxa aanan ahayn aysan Muslim ahayn, oo iyagu kaligood Diinta Islaamku haystaan.
 
Warkaan ayaa ka soo baxay Khawaarijta Al-shabaab ka dib markii ay la midoobeen Kooxda kale ee aan awoodda lahayn ee Raaskombooni, waxayna iyagoo Saxaafadda la hadlaya qirteen in yihiin Argagixiso Caalami ah oo ay la dagaalladamayaan dhammaan Ummadaha Adduunka oo ay ugu horreyso Ummadda Soomaaliyeed.
 
Kooxdaan Khawaarijta ah ayaa sheegey in ay xiriir toosa la lee yihiin Urur weynaha Caalamiga ah ee uu hoggaamiyo Cusaama oo sida la sheegey ah Urur Takfiiri ah oo aaminsan in aysan Ummadaha Islaamu aysan ahayn Muslim ee ay Gaalo yihiin.
 
Al-shabaab ayaa in badan ka leex leexan jirey in ay ka mid yihiin Ururkaas Cusaama, hase yeeshee hadda ay qirteen, taasoo lala xiriirnayo in uu cadaadis kaga yimid dhanka Ciidamada shisheeye ee la bar-bar dagaallada Al-shabaab oo Dibadaha uga yimid.
 
Si kastaba ha ahaatee, Ururka Khawaarijta Al-shabaab oo Ummadda Soomaaliyeed in badan oo ka mid ka qorsoonayd wax ay yihiin ayaa hadda afkooda Soomaali isugu sheegey in aysan Soomaali ahayn ee ay yihiin dad Caalami ah qatarna ku ah Waddamada Islaamka iyo Ummadaha kalaba.
 
Arrintaan ayaa loo baahan yahay in uu Shacabka Soomaaliyeed aad u fahmo loona baahan yahay in si deg-deg ah looga hortago Shartaan Caalamiga ah.
 

Xafiiska War-qabadka Ee Mustaqiim
E-mail: mustaqiimcom@hotmail.com