Maxay Qaddiibada Culimad Ahlu-sunna Wal-jamaaca Qudbadahoodii Jimcahaan uga hadleen?

5 02 2010
Khaddiibada Culimada Soomaaliyeed ee Ahlu-sunna Wal-jamaaca ayaa maanta Qudbadahoodii Jimacaha uga Hadley arrimo badan oo ay ka mid ahaayeen Mashaakillada Soomaaliya ka taagan, La-dagaallanka Khawaarijta iyo sida xal waara loogu heli karo Xaaladda Soomaaliya ee murugsan.
 
Qaddiibada Culimada Ahlu-sunna Wal-jamaaca ee Goballada dhexe ayaa Maanta aad uga hadlay Xaaladda ammaan-daro ee ka jirta waddanka Soomaaliya gaar ahaan Koofurta Soomaaliya, taasoo ay abuureen Dad Qaswade-yaal ah oo ay ku adeegtaan dad Shisheeye ah, oo aan dan iyo hello toona ka laheyn Waddanka iyo Ummada Soomaaliyeed.
 
Culimadu waxay kaga hadleen in uu xalka Soomaaliyeed ku jiro iyadoo la iska qabto dadka mannaxa-yaasha ah ee ku liibaana Dhiigga Ummadda Soomaaliyeed.
 
Waxaa loo baahan yahay ayey yiraahdeen Culimadu in hal dhinac looga soo wada jeesto dadkaas, oo waddanka Soomaaliya gebi ahaamba laga wada suuliyo.
 
Waxay Culimadu aad uga hadleen dadka Masaakiinta ah ee Xamar lagu leynayo oo ay mas’uulka ka yihiin Khawaarijtu, iyagoo Culimadu Alle uga baryey in dadkii ku dhintey Wax-yeellada Khawaarijta uu Jannadii geeyo, ehaladoodiina Samir iyo iimaan alle ka siiyo.
 
Waxay sidoo kale Culimadu aad kaga warrameen khayrka ku jira in bidcada iyo Khawaarijta lala dagaallamo, iyagoo shacabka Soomaaliyeed guud ahaan iyo kan Gobalada dhexe gar ahaan ku boorriyey in ay hal-ganka la-dagaallanka Khawaarijta halkaas ka sii wadaan, si markaas Soomaaliya looga suuliyo Shar-wade-yaashaas dabadeedna Soomaaliya loogu helo xal waara.
 

Xafiiska War-qabadka Ee Mustaqiim
E-mail: mustaqiimcom@hotmail.com