Maamulka Culimada Ahlu-sunna Wal-jamaaca ee Goballada dhexe oo Bandaw hamiinkii ah ku soo rogey qaar ka mid ah Magaalooyinka Maamulkaas hoos taga

6 02 2010
Maamulka Culimada Soomaaliyeed ee ahlu-sunna Wal-jamaaca ayaa Xalay ku soo rogey Bandaw Magaalooyinka Cadaado iyo Caabudwaaq, Bandawgaas oo xalay halkaas ka dhaqan galay.
 
Bandawgaas ayaa wuxuu bilaabanaya 9-ka hamiinimo wixii ka dambeeya, taasoo sida ay sheegeen Maamulka Ahlu-sunna Wal-jamaaca ee deegaannadaas la doonayo in lagu koontaroolo Ammaanka Magaalooyinkaas.
 
Ciidamada Ammaanka ee Magaalooyinka Caabudwaaq iyo Cadaado ayaa sheegey in hamiinka waqtiyada dambe ay magaalooyinka soo galaan dad laga shakiyo, oo qaarkood maandooriye isticmaalaan.
 
Maamulka Culimada Ahlu-sunna Wal-jamaaca ee Goballada dhexe ayaa taas ku micneeyey in ay tahay tillaabo muhiim ah oo lagu sugayo amniga magaalooyinkaas.
 
Ma ahan markii ugu horreysay oo tillaabo noocaas oo kale ah qaadaan Maamulka Ahlu-sunna wal-jamaaca ee Goballada dhexe horeya ayey dhawr jeer tillaabooyinkaas oo kale uga hir-galiyeen Magaalaayinka Guriceel iyo Dhuusamareeb, taasoo dad badan lagu so qab-qabtay oo ammaanka Magaalooyinkaas doonayey in khal-khal geliyaan.
 

Xafiiska War-qabadka Ee Mustaqiim
Caabudwaaq, Galguduud,
E-mail: mustaqiimcom@hotmail.com