Guddoomiyaha jaaliyadda ardayda wadanka masar C,fataax sh, A/rashiid sh,yusuf oo ka warbixiyey maamulka ahlu sunna wal-jamaaca ee dalka Masar.

8 02 2010
Ilaahay ayey mahadi u sugnaataye Jaaliyadda soomaaliyeed iyo dhallinyarada ku nool waddanka masar waxaa ka hana qaaday guddi maamul oo ku hawl gala maga Ahlusunna waljamaaca .

Ahlusunna, markaan leeyahay waxaan uga jeedaa ahlusunnaha somalida ah , maadaama aan ognahay in waddanka Masar uu yahay waddamada aadka u taakuleeya lagana aaminsan yahay ahlusuna waljamaaca , waxaanba dhihi karaa waddanka masar waa wadan 100/90 ahlusunna wal-jamaaca ah.

Haddaba , annaga oo fursadahaas ka faa'iidaysanayna waxaan sameynay maamul ahlu sunna wal jamaaca ah oo u adeega dadka soomaalida ah , gaar ahaan ardada wax ka barata jaamacadaha iyo iskuullada dalka Masar.
Wuxuuna maamulkaasi leeyahay guddi fulin oo ka kooban (5)xubnood . kuwaas oo kala ah :


1. guddoomiye
2. Guddoomiye ku xigen
3. Xog-Haye
4. Xubin dhaqale
5. Xubin waxbarashada iyo faafinta caqiidada suuban .

Waxyaalaha noo qabsoomay waxaa ka mid ah arrima badan oo ay ka mid yihiin:

• Waxaan midaynay oon isbarnay bah weynta ahlusuna waljamaaca ee ku nool waddanka masar , gaar ahan dhallinyarada wax kabarata dalkan, iyo kuwa ka baxay jaamacadaha .

• Waxaan xiriirra aqoon is weydaarsi iyo kuwa abaabul u samaynay ardada ahlu sunna ee wax ka barta jaamacadaha caalamka , gaar ahaan kuwa wax ka barta waddamada carabta.

• Waxaan samaynay maktabado iyo goob cilmiyeedyo lagu horummarinayo aqoonta iyo wacyiga da' yarta ku nool waddanka masar.
• Waxaan samaynay wacyi gelin iyo dikriyaad dadka lagu faro wanaagga , xumaantana looga reebo.

• Waxaan qaban-qaabinay oon dhignay Munaasabaadka diiniga ah sida : Mowliidka Rasuulka CSW , Al-israa wal micraaj iyo munaasabadaha kale sida xuska culammada.

Gudigan fulinta ee ahlusanna wal jamaaca ee masar ma qaataan wax mushaar ah , mana jirto cid debedda ka tageerta ; waxayna ku shaqeeyaan ( fii sabiilillaah) illahay dartiis .

Guddiga fulinta ee ahlu sunna wal jamaaca waxaa la doortaa sanadkiiba mar .

Guddigeenna wuxuu xariir dhow la leeyahay golaha sare ee dariiqooyinka suufiyada, oo ah gole weyn oo ka jira waddanka masar , ayna ku kulan-sanyihiin boqollaal dariiqooyin suufiyo ah , waxaanna isu diyaarinaynaa in aan ka mid noqonno gola waynahaas mideeya dariiqooyinka ahlu sunna wal jamaaca.

Ugu danbeyn waxaan dhallinyarada ahlu sunnada ee ku nool soomaaliya iyo caalamkaba ugu baaqaynaa in ay samaystaan gole mideeya dhallinyarada Ahlu sunna waljamaaca.

Si aan u wada meel marinno hawlaha wax tarka u ah dhallin-yaradeenna , maadaama lawada ogyahay in haddii dhallinyaradu hagaagaan ay hubaal tahay in ay wanagsanaa-nayaan mujtamaca intiisa kale.

Mahadsanidiin.

Suubane120@hotmail.com.

GUdoomiyaha jaaliyada ardayda waddanka maAsar c,fataax sh, A/Rashiid sh,yusuf
 

Mustaqiim.com