Culimada Ahlu-sunna Wal-jamaaca oo ku jira Diyaar garaaw dagaal iyo taba-bar u soo xirmay ciidamo ka qayb qaata dagaalkaas

7 02 2010
Culimada Soomaaliyeed ee Ahlu-sunna Wal-jamaaca ayaa wada qorshe ballaaran oo ay ugu diyaar garoobayaan dagaal Culus oo ay ku qaadi doonaan Dhammaan Xurumaha Khawaarijta.
 
Diyaar garoowgaan ayaa waxaa laga dareemayaa dhammaan Magaalooyinka uu ka kooban yahay Goballada Dhexe iyo Mudug-ba. Waxaa kaloo laga dareemayaa diyaar garoowgaan Goballada Gedo iyo Bay iyo Bakool.
 
Asbuucaan iyo kii la soo dhaafey ayaa waxay Culimadu wadeen Qorshahaan oo loogu tala-galay in weerar saf ballaaran ah logu qaado dhamman Goobaha ay fadhiyaan Khawaarijtu.
 
Dagaalkaan Culus ayaa waxaa la fiyalaa in si wada jir ah looga bilaabo Ceelbuur, Gobalka Hiiraah caasimaddiisa Baladweyne, Bay iyo Bakool iyo Gobalka Gedo, iyadoo la filayo in Ciidamo la dhex geeyo Jubbooyinka si ay u ilaaliyaan Gurmadka oo markaas loo kala gooyo isu socodka Khawaarijta oo dhan.
 
Maamulka Culimada Ahlu-sunna Wal-jamaaca ee Goballada dhexe ayaa soo gaba-gabeeyey taba-bar ay ugu soo xirayeen ciidamo ka qayb qaata dagaalkaas la filayo in ay si deg-deg ah ku qaadaan.
 
Dhanka kale arrintaas oo kale ayaa waxay ka socotaa Doolow iyo Bay iyo Bakool, halkaas oo Ciidamo badan lagu diyaariyey oo taba-barna uu halkaas ugu soo dhammaaday, iyadoo la filayo marka ay Maamulka Culimada Ahlu-sunna Wal-jamaaca ee Goballada dhexe ay ku qaadaan weerar Khawaarijta, ay isla markaas Ciidamda Ahlu-sunna Wal-jamaaca ee jooga Gedo iyo Bay iyo Bakool iyagana ay geestooda ka bilabaan, taasoo la rajaynayo in si fudud xididada loogu siibo Khawaarijta.
 
Wixii wara oo arrintaas ka soo kordha kala soco Wararka naga danbe
 

Xafiiska Wa-qabadka ee Mustaqiim
E-mail: mustaqiimcom@hotmail.com