Maamulka Culimada Ahlu-sunna Wal-jamaaca oo Cambaareeyey Qarax yadii ka dhacay Ugandha ee ay Khawaarijtu sheegatay

14 07 2010
Maamulka Culimada Soomaaliyeed ee Ahlu-sunna Wal-jamaaca ayaa maanta ka hadlay Qarax yadii ka dhacay Magaalada Kampalla ee Caasimadda Waddanka Ugandha.
 
Afhayeenka guud ee Culimada Ahlu-sunna Wal-jamaaca Shiikh C/llaahi Shiikh C/rixmaan Abuu Yusuf Al-qaaddi ayaa ku tilmaamay qarax yadaas wax laga xumaado.
 
Wuxuu sidoo kale Shiikhu aad uga hadlay in Diinta Islaamku aysan qabin in la dhibaato loo geysto ummad aanan waxba galabsan, wuxuuna Shiikhu sheegey in ay Diinta Islaamku tahay Diin nabad-galyo ee aysan ahayn Diin dadka lagu dhibaateeyo.
 
Wuxuu Shiikhu sidoo kale sheegey in dadka Qarax yadaas fuliyey ay yihiin dad manaxayaal ah oo aanan Diin Islaam wax shaqo ah ku lahayn.
 
Wuxuu Shiikhu walaac ka muujiyey dhibaatada iyo saamaynta ay ku yeelan doonto qaraxaas Soomaalida qaxootiga ah ee ku nool waddanka Ugandha.
 
Shiikha ayaa ugu dambeyntii Soomaalida iyo caalamkaba u soo jeediyey in gebi ahaamba dadkaan Soomaaliya looga sifeeyo si Soomaalida iyo caalamkaba uga badbaado Musiibadaan.
 

Xafiiska War-qabadka Ee Mustaqiim
Dhuusamareeb, Galguduud, Soomaaliya,
E-mail: mustaqiimcom@hotmail.com